فه‌وزى هه‌ریری: سه‌رۆك نێچیرڤان بارزانى بۆ نویكرنا په‌یوه‌ندییان دێ چیته ته‌هرانێ
بەلاڤ بکە
گاڤ
سه‌رۆكێ دیوانا سه‌رۆكاتییا هه‌رێما كوردستانێ راگه‌هاند؛ سه‌رۆك نێچیرڤان بارزانى بۆ نویكرنا په‌یوه‌ندییان دێ چیته ته‌هرانێ.
فه‌وزى هه‌ریرى د پرێس كۆنفرانسه‌كێ دا راگه‌هاند "سه‌رۆك نێچیرڤان بارزانى بۆ نویكرنا په‌یوه‌ندییان د بوارێن سیاسى و بازرگانى و د هه‌مى بواران دا دێ سه‌ره‌دانا ته‌هرانێ كه‌ت".
گۆت ژى "كا چه‌وا مه ل گه‌ل توركیا باشترین په‌یوه‌ندى هه‌نه، پێدڤییه ل گه‌ل ئیرانێ ژى هه‌مان ئاراسته هه‌بیت، لێ د هه‌مان ده‌م دا، پێدڤییه ئیران رێزێ ل سه‌روه‌رییا هه‌رێما كوردستانێ و ئیراقێ بگریت".
زێده‌تر ژى گۆت "ئه‌م د گه‌شبینین كێشه بهێنه چاره‌كرن".
دهێته چاڤه‌رێكرن ئه‌ڤرۆ ئێكشه‌مبییێ سه‌رۆك نێچیرڤان بارزانى ل ئیرانێ ل گه‌ل عه‌لى خامنه‌یى رابه‌رێ كۆمارا ئیسلامى یا ئیرانێ، ئیبراهیم ره‌ئیسى سه‌رۆكێ ئیرانێ زێده‌بارى سه‌رۆكێ په‌رله‌مانێ وى وه‌لاتى كۆمببیت.
