گاڤ

سه‌قاناسییا هه‌رێما كوردستانێ راگه‌هاندیه‌؛ ل پارێزگه‌ها دهۆكێ د ئه‌ڤ ساله‌ دا 434.9 ملیمێن بارانێ پتر ژ سالا بۆرى بارینه‌.

پشكا پێشبینییا سه‌قاى د رێڤه‌به‌رییا سه‌قاناسى و ئه‌ردهه‌ژان دا ل هه‌رێما كوردستانێ راگه‌هاند "د ئه‌ڤ ساله‌ دا تا نوكه‌ 823.3 ملیمێن بارانێ ل پارێزگه‌ها دهۆكێ بارینه‌، ل ده‌مه‌كێ ل سالا بۆرى تا ڤى ده‌مى 388.4 ملیمێن بارانێ باری بوون".

دیار ژى كریه‌؛ د ئه‌ڤ ساله‌ دا ل پارێزگه‌ها دهۆكێ 434.9 ملیمێن بارانێ پتر ژ سالا بۆرى بارینه‌.

هه‌روه‌سا ل پارێزگه‌ها هه‌ولێرێ د ئه‌ڤ ساله‌ دا تا نوكه‌ 584.2 ملیمێن بارانێ بارینه‌ ل ده‌مه‌كێ د سالا بۆرى دا 251.9 ملم بارى بوون.

ل ده‌مه‌كێ ل پارێزگه‌ها سلێمانیێ د ئه‌ڤ ساله‌ دا 672.5 ملیمێن بارانێ بارینه‌ ئانكۆ ب 60.3 ملیمان كێمتر باران بارییه‌ ب هه‌ڤبه‌ركرن ل گه‌ل سالا بۆرى كو تێدا 732.8 ملم بارى بوون.

ل پارێزگه‌ها كه‌ركووكێ ژى د ئه‌ڤ ساله‌ دا تا نوكه‌ 346.4 ملیمێن بارانێ بارینه‌ و ل پارێزگه‌ها هه‌له‌بجه‌ د ئه‌ڤ ساله‌ دا 811.6 ملیمێن بارانێ بارینه‌.