گاڤ

د هه‌یڤه‌كێ دا پتر ژ 51 هزار ئیراقییان سه‌ره‌دانا توركیا كرینه‌ و ئیراق ل رێزا ئێكێ د رێزبه‌ندییا وه‌لاتێن عه‌ره‌بى دا ل گۆره‌ى ژماره‌یا سه‌ره‌دانێن وه‌لاتیێن وێ بۆ توركیا هات.

ل گۆره‌ى ئامارێن وه‌زاره‌تا ره‌وشه‌نبیرى و گه‌شتوگۆزارێ یا توركیا "د هه‌یڤا ئادارێ یا بۆرى دا، 51 هزار و 180 ئیراقییان سه‌ره‌دانا توركیا كرینه‌ و ئه‌ڤ رێژه‌یه‌ كێمتر بوو ژ هه‌یڤا ئادارێ یا سالا 2023 هه‌روه‌سا ئادارا سالا 2022ێ".

دیار ژى كریه‌ "د هه‌یڤا ئادارێ یا سالا 2023 دا، 79 هزار و 18 ئیراقییان سه‌ره‌دانا توركیا كربوون و ل هه‌یڤا ئادارێ یا سالا 2022 ژى 83 هزار و 239 ئیراقییان سه‌ره‌دانا توركیا كربوون".

د هه‌یڤا ئادارێ یا بۆرى دا، ئیراق ل رێزا ئێكێ د رێزبه‌ندییا وه‌لاتێن عه‌ره‌بى دا ل گۆره‌ى ژماره‌یا سه‌ره‌دانێن وه‌لاتیێن وێ بۆ توركیا ب 51 هزار و 180 گه‌شتیاران هات، لوبنان ل رێزا دوێ ب 13 هزار و 843 گه‌شتیاران، سعوودیه‌ ل رێزا سیێ ب 11 هزار و 764 گه‌شتیاران، ئوردن ل رێزا چارێ ب 9 هزار و 174 گه‌شتیاران و كوێت ل رێزا پێنجێ ب 4 هزار و 441 گه‌شتیاران هاتن.