گاڤ – تایبەت 
گاڤ د راپۆرتەکا تایبەت دا رەوشا ساخلەمییا گەنجەکێ پارێزگەها دهۆکێ دیارکربوو کو ئەگەر گولچیسکەک بۆ نەهێتە دانان، دێ ژیانا خۆ ژدەست دەت، پشتی گاڤ ئەو راپۆرت بەلاڤ کری، جارەکادى مەردینى و دلفرەهییا خەلکێ پارێزگەها دهۆکێ دیار بوو.
گاڤ دوهی رۆژا شەمبی راپۆرتەک دەربارەی گەنجەکێ پارێزگەها دهۆکێ ب ناڤێ ئەیاز عەبدوللا بەلاڤ کر، پشتی بەلاڤبوونا وێ راپۆرتێ، کێمتر ژ 24 دەمژمێران بۆرینە و تا نوکە 4 کەسان ب رێکا گاڤ دوپات کرییە کو ئەو ئامادەنە گولچیسکەکا خۆ بدەنێ.
ئەیازێ 30 سالی، زێدەباری ژدەستدانا گولچیسکێن خۆ، پار ب رێکا کڕینا دەرمانان ڤە، هەڤژینا خۆ ژی ژدەست دابوو کو ل دەما چووی دەرمانان بۆ ئەیازی بکڕیت، ترومبێلێ لێدابوو و ئێکسەر ژیانا خۆ ژدەستدابوو.
هەرچەندە تا نوکە 4 گەنجێن دهۆکێ دئامادەنە گولچیسکەکا خۆ بدەنە ئەیازی، لێ تا نوکە پشکنین بۆ وان نەهاتینە کرن کا ئەو گولچیسک دێ بکێر وی هێن یان نە و تا نوکە چ کەسان تێچوویێ پشکنینێن نوشداری و نشتەرگەرییا گوهۆڕینا گولچیسکێ ب ستۆیێ خۆ ڤە نەگرتییە.