70 كهسان د لههییێن بهرازیلێ دا گیانێ خۆ ژدهستداینه
گاڤ
ئاژانسهكا جیهانى ئامارهكا نوى یا لههییێن ویلایهتا ریۆ گراندى دو سول ل باشوورێ بهرازیلێ بهلاڤكریه و راگههاندیه؛ 70 كهسان د لههییان دا گیانێ خۆ ژدهستداینه.
ئاژانسا فرانس پرێس ئهڤرۆ ئێكشهمبییێ راگههاند "ژ بهر بارانێن دژوار ل ویلایهتا ریۆ گراندى دو سول 70 كهسان گیانێ خۆ ژدهستداینه".
دیار ژى كریه "نێزیكى 80 هزار كهسان ژ بهر لههییان ئاوارهبووینه و تیمێن ههوارهاتنێ د بزاڤێن هاریكارى و رزگاركرنا زیانڤێكهفتییان دانه".
وێ ئاژانسێ دوهى شهمبییێ ژى راگههاند بوو "ژ بهر لههییان و بارانێن دژوار، 55 كهسان گیانێ خۆ ژدهستداینه ههروهسا لێكۆلین ل دۆر 7 حالهتێن دى ژى یێن مرنێ دهێته كرن و 74 كهس د بێسهروشوینن و 107 كهس بریندار بووینه".
ل گۆرهى ئاژانسێن نووچهیان، پۆرتۆ ئهلێگرى پایتهختێ ویلایهتا ریۆ گراندى دو سول رویبروى كارهساتهكا بێ وێنه بوویه.