سه‌رۆك ل ته‌هرانه و رۆژا كۆمبوونێن گرنگه
بەلاڤ بکە
گاڤ
سه‌رۆكێ هه‌رێما كوردستانێ ل ته‌هرانێ یه، دو رۆژان دێ مینیت، ل گه‌ل سه‌رۆك كۆمار، سه‌رۆكێ په‌ڕله‌مانى و رابه‌رێ بلندێ كۆمارا ئیسلامى یا ئیرانێ كۆمبوون هه‌نه، نوینه‌رێ حكومه‌تا هه‌رێمێ ژى دبێژیت: نێچیرڤان بارزانى دێ دوپات كه‌ت هه‌رێم نابیته فاكته‌رێ گه‌فان.
دوهى ئێڤارى سه‌رۆكێ هه‌رێما كوردستانێ گه‌هشته ته‌هرانێ، دهێته چاڤه‌ڕێكرن دو رۆژان ل ته‌هرانا پایته‌خت ل گه‌ل مه‌زنه به‌رپرسێن وى وه‌لاتى گرنگترین مژاران به‌حس بكه‌ت.
ئه‌ڤرۆ دوشه‌مبێ 6-5-2024ێ نێچیرڤان بارزانى، سه‌رۆكێ هه‌رێما كوردستانێ ل گه‌ل ئیبراهیم ره‌ئیسى، سه‌رۆككۆمارێ ئیرانێ كۆمبوو، گرنگترین مژارێن كۆمبوونێ پرسێن ئێمناهیێ و ره‌وشا رۆژهه‌لاتا ناڤین و په‌یوه‌ندیێن ناڤبه‌را ته‌هران و هه‌ولێرێ نه.
نازم ده‌باغ، نوینه‌رێ حكومه‌تا هه‌رێما كوردستانێ ل ئیرانێ بۆ گاڤ گۆت: كۆمارا ئیسلامى یا ئیرانێ و حكومه‌تا هه‌رێمێ په‌یوه‌ندیێن كه‌ڤن هه‌نه و ئاشكراكر، نێچیرڤان بارزانى دێ دوپات كه‌ت هه‌رێما كوردستانێ نابیته فاكته‌رێ گه‌فان ل سه‌ر به‌رژه‌وه‌ندیێن جیرانان.
ئه‌ڤرۆ و سوبه‌هى نێچیرڤان بارزانى، سه‌رۆكێ هه‌رێما كوردستانێ دێ ل گه‌ل رابه‌رێ بلندێ كۆمارا ئیسلامى یا ئیرانێ عه‌لى خامنه‌یى، سه‌رۆكێ په‌ڕله‌مانى و چه‌ندین مه‌زنه به‌رپرسێن دى یێن وى وه‌لاتى كۆمبیت.
