سهرۆكێ ههرێمێ و سهرۆككۆمارێ ئیرانێ دوپاتى ل پێدڤییا ههڤكاریا ههڤپشك كر
گاڤ
سهرۆكایهتییا ههرێما كوردستانێ ناڤهڕۆكا كۆمبوونا سهرۆكێ ههرێما كورستانێ ل گهل سهرۆككۆمارێ ئیرانێ بهلاڤكر و راگههاند، ههر دو ئالییان دوپاتى ل پێدڤییا ههڤكارییا ههڤپشك كریه.
ئهڤرۆ دوشهمبێ سپێدێ 6-5-2024ێ نێچیرڤان بارزانى، سهرۆكێ ههرێما كوردستانێ ل گهل ئیبراهیم رهئیسى، سهرۆككۆمارێ ئیرانێ كۆمبوو، د كۆمبوونێ دا جێگیرێن سهرۆكێ ههرێمێ و وهزیرێ ناڤخۆ یێ ههرێمێ و شاندێ ههرێمێ ئامادهبوون.
ههر دو ئالییان دوپاتى ل بهردهومیدان ب پهیوهندیێن ئابۆرى ل گهل ئیراق و ههرێما كوردستانێ ل سهر بنهمایێ جیرانییهكا باش، بهرژهوهندیێن ههڤپشك، بلندكرنا ئاستێ لێكگوهارتنا بازرگانى و ئابۆرى كر و ههروهسا پهیوهندیێن كهڤن و دیرۆكى یێن ناڤبهرا كۆمارا ئیسلامى یا ئیرانێ و ههرێما كوردستانێ ژى بلند نرخاندن.
سهرۆككۆمارێ ئیرانێ، رهئیسى سوپاسیێن كۆمارا ئیسلامى بۆ ههرێما كورستانێ ههبوون بۆ وێ هاریكارییا پێشكێشى زیارهتكارێن ئیرانێ بۆ مهزارگههێن پیرۆز ل باشۆرێ ئیراقێ دكهت كو د ههرێما كوردستانێ را دهرباز بووینه، ژ ئالیێ خۆ ڤه سهرۆكێ ههرێما كوردستانێ ژى سوپاسییا پشتهڤانى و هاریكارییا ئیرانێ بۆ ئیراق و ههرێما كوردستانێ كر.
د تهوهرهكێ دى یێ كۆمبوونێ دا ههر دو ئالییان دوپاتى ل پێدڤی و گرنگییا بهردهمییا ههماههنگى و هاریكارییا ههڤپشك د ناڤبهرا كۆمارا ئیسلامى یا ئیرانێ ل گهل ئیراق و ههرێما كوردستانێ كر بۆ پاراستنا ئارامى و سهقامگێریێ ل ناوچێ.