سهرۆكێ دیوانا سهرۆكایهتییا ههرێمێ: دڤێت ئیران رێزێ ل سهروهریا ههرێما كوردستانێ و ئیراقێ بگریت
گاڤ
سهرۆكێ دیوانا سهرۆكایهتییا ههرێمێ راگههاند، دڤێت پهیوهندیێن ههرێما كوردستانێ ل گهل ئیرانێ ژى د خۆشبن كا چاوا ل گهل توركیا د خۆشن و دوپاتكر، ههرێما كوردستانێ نابیته گهف ل سهر وهلاتێن جیران.
دوهى ئێڤارى سهرۆكێ ههرێما كوردستانێ گههشته تههرانێ، دهێته چاڤهڕێكرن دو رۆژان ل تههرانا پایتهخت ل گهل مهزنه بهرپرسێن وى وهلاتى گرنگترین مژاران بهحس بكهت.
فهوزى حهریرى، سهرۆكێ دیوانا سهرۆكایهتییا ههرێما كوردستانێ د كۆنگرهیهكێ رۆژنامهڤانى دا گۆت: كا چاوا ههرێما كوردستانێ پهیوهندیێن باش ل گهل توركیا ههنه، دڤێت پهیوهندیێن باش ل گهل ئیرانێ ژى ههبن و دیاركر، دڤێت ئیران رێزێ ل سهروهریا ئیراقێ بگریت، چونكى ههرێما كوردستانێ و ئیراقێ نابیته گهف ل سهر وهلاتێن جیران.
ههروهسا ئاشكراكر، سهرهدان بۆ باشتركرنا پهیوهندیێن تههران و ههولێرێ یه د ههمى وارهكى دا ب تایبهت ژى سیاسى و بازرگانى.
نازم دهباغ، نوینهرێ حكومهتا ههرێما كوردستانێ ل ئیرانێ بۆ گاڤ گۆت: كۆمارا ئیسلامى یا ئیرانێ و حكومهتا ههرێمێ پهیوهندیێن كهڤن ههنه و ئاشكراكر، نێچیرڤان بارزانى دێ دوپات كهت ههرێما كوردستانێ نابیته فاكتهرێ گهفان ل سهر بهرژهوهندیێن جیرانان.
ئهڤرۆ و سوبههى نێچیرڤان بارزانى، سهرۆكێ ههرێما كوردستانێ دێ ل گهل رابهرێ بلندێ كۆمارا ئیسلامى یا ئیرانێ عهلى خامنهیى، سهرۆكێ پهڕلهمانى و چهندین مهزنه بهرپرسێن دى یێن وى وهلاتى كۆمبیت.