گاڤ

سه‌رۆكایه‌تییا كۆمارا ئیسلامى یا ئیرانێ ناڤه‌ڕۆكا كۆمبوونا سه‌رۆك نێچیرڤان بارزانى به‌لاڤكر و راگه‌هاند، سه‌رۆككۆمارێ ئیرانێ ئاساییش و ئارامییا هه‌رێما كوردستانێ ب یا وه‌لاتێ خۆ بۆ سه‌رۆكێ هه‌رێمێ دایه‌ زانین.

ئه‌ڤرۆ سه‌رۆكێ هه‌رێما كوردستانێ د گه‌شتا خۆ یا دو رۆژى دا ل ته‌هرانێ ل گه‌ل ئیبراهیم ره‌ئیسى، سه‌رۆككۆمارێ ئیرانێ كۆمبوو.

سه‌رۆكایه‌تییا كۆمارا ئیسلامى یا ئیرانێ ئه‌ڤرۆ دوشه‌مبێ 6-5-2024ێ ناڤه‌ڕۆكا كۆمبوونا نێچیرڤان بارزانى، سه‌رۆكێ هه‌رێما كوردستانێ و ئیبراهیم ره‌ئیسى، سه‌رۆككۆمارێ ئیرانێ به‌لاڤكر و سه‌رۆككۆمارێ ئیرانێ د كۆمبوونێ دا راگه‌هاندییه‌، "مه‌ باوه‌رى ب نیازپاكى و دۆستایه‌تییا برایێن ئیراقى و كوردان هه‌یه‌".

ئیبراهیم ره‌ئیسى دیاركریه‌، ئیران دۆسته‌كا مه‌زن یا ئیراق و كوردستانێ یه‌ و گۆته‌ نێچیرڤان بارزانى، "هیڤیدارم سه‌ره‌دانا ته‌ ببیته‌ ئه‌گه‌رێ باشتركرنا په‌یوه‌ندییان".