ناڤهرۆكا كۆمبوونا سهرۆك نێچیرڤان بارزانى و عهلى خامنهیى
گاڤ
سهرۆكێ ههرێما كوردستانێ و رابهرێ كۆمارا ئیسلامى یا ئیرانێ دوپاتى ل سهر پێدڤیاتییا بهرفرههكرنا هاریكارییا ههڤپشك یا ئیرانێ ل گهل ئیراقێ و ههرێما كوردستانێ كرن.
سهرۆك نێچیرڤان بارزانى ئهڤرۆ دوشهمبییێ ل تههرانێ ل گهل عهلى خامنهیى رابهرێ بلند یێ شۆڕهشا ئیسلامى یا ئیرانێ كۆمبوو.
سهرۆكاتییا ههرێما كوردستانێ راگههاند "د كۆمبوونهكێ دا، سهرۆك نێچیرڤان بارزانى خۆشحالییا خۆ ب دیدارا ل گهل خامنهیی دهربڕى و دوپاتى ل سهر بهرههڤى و حهزا ههرێما كوردستانێ بۆ پێشڤهبرنا پهیوهندییان ل گهل كۆمارا ئیسلامى یا ئیرانێ د ههمى بواران دا كر، ههروهسا سوپاسییا هاریكارى و پشتهڤانییا ئیرانێ بۆ ئیراقێ و ههرێما كوردستانێ كر".
د بهیانا سهرۆكاتییێ دا هاتیه ژى "د تهوهرهكێ دى یێ كۆمبوونێ دا، ههردو لایان دوپاتى ل سهر گرنگییا پهیوهندیێن ئیرانێ ل گهل ئیراقێ و ههرێما كوردستانێ و ل سهر پێدڤیاتییا پاراستنا ئارامى و سهقامگیرییێ و بهرفرههكرنا هاریكارییا ههڤپشك یا ئیرانێ ل گهل ئیراقێ و ههرێما كوردستانێ كرن".
دیار ژى كریه "رهوشا دهڤهرێ ب گشتى و چهند پرسێن جهێ گرنگیپێدانا ههڤپشك، لایهنهكێ دى یێ كۆمبوونێ بوون".