فه‌وزى هه‌ریرى: چ دانوستاندن ل ئیرانێ ل دۆر هه‌لبژارتنێن هه‌رێما كوردستانێ نه‌هاتینه كرن
بەلاڤ بکە
گاڤ
سه‌رۆكێ دیوانا سه‌رۆكایه‌تییا هه‌رێما كوردستانێ راگه‌هاند؛ چ ئاخفتن و دانوستاندن ل ئیرانێ ل دۆر هه‌لبژارتنێن هه‌رێما كوردستانێ نه‌هاتینه كرن و د حه‌فتییا بهێت دا دێ به‌رچاڤرۆنییێن پتر ل دۆر هه‌لبژارتنێن په‌رله‌مانێ كوردستانێ هێنه دیتن.
فه‌وزى هه‌ریرى ئه‌ڤرۆ دوشه‌مبییێ ژ ته‌هرانێ راگه‌هاند "نێچیرڤان بارزانى سه‌رۆكێ هه‌رێما كوردستانێ كو ب سه‌ره‌دانه‌كا فه‌رمى ل ته‌هرانێ یه، چه‌ندین دیدار و كۆمبوونێن گرنگ ل گه‌ل به‌رپرسێن ئیرانێ ئه‌نجامداینه".
دیار ژى كر "هه‌رێما كوردستانێ و ئیران حه‌ز دكه‌ن ئالوگۆرییا ئابوورى و بازرگانى زێده‌تر بكه‌ن، ئیران جیرانه‌كا ب هێزه ژ روویێن سیاسى و ئابوورى ڤه و دێ كارتێكرن ل سه‌ر په‌یوه‌ندیێن به‌غدا و هه‌ولێرێ هه‌بیت".
ناڤهاتى راگه‌هاند ژى "ل ئیرانێ چ ئاخفتن و دانوستاندن ل دۆر هه‌لبژارتنێن هه‌رێما كوردستانێ نه‌هاتینه كرن و د حه‌فتییا بهێت دا دێ به‌رچاڤرۆنییه‌كا پتر ل دۆر هه‌لبژارتنێن په‌رله‌مانێ كوردستانێ هێته دیتن".
دوهى ئێكشه‌مبییێ سه‌رۆك نێچیرڤان بارزانى د سه‌ره‌دانه‌كا فه‌رمى دا گه‌هشتبوو ته‌هرانێ و ئه‌ڤرۆ دوشه‌مبییێ په‌یوه‌ندیێن دوقولى و ژماره‌یه‌كا بابه‌تان ل گه‌ل عه‌لى خامنه‌یى رابه‌رێ كۆمارا ئیسلامى یا ئیرانێ، ئیبراهیم ره‌ئیسى سه‌رۆكێ ئیرانێ و حوسێن ئه‌میر عه‌بدولـله‌هیان وه‌زیرێ ده‌رڤه یێ ئیرانێ ل ته‌هرانێ به‌حسكرن.
