پهیامهك ژ سهرۆك نێچیرڤان بارزانى ل دۆر سۆتنا بازارێ قهیسهرى
گاڤ
سهرۆكێ ههرێما كوردستانێ داخواز ژ لایهنێن پهیوهندیدار كر لێكۆلینهكا هویر بۆ ئهگهرێ رویدانا ئاگربهربوونێ ل بازارێ قهیسهریێ ل ههولێرێ بكهن ههروهسا پشتهڤانییا خۆ بۆ زویتر نویژهنكرنا وى بازارى راگههاند.
د پهیامهكا سهرۆك نێچیرڤان بارزانى دا هاتیه "ب مخابنى ڤه، نووچهیێ ئاگربهربوونا بازارێ قهیسهرى ل ههولێرێ من گوهلێبوو كو ژبلى برینداربوونا ژمارهیهكا وهلاتییان و كارمهندێن بهرگرییا شارستانى ههروهسا زیانهكا ماددى یا مهزن ژى گههاندییه كاسبكارێن بازارى".
د پهیامێ دا هاتیه ژى "هیڤییا چاكبوونا زوى بۆ برینداران دخوازم و ههڤخهمم ل گهل كاسبكارێن وى بازارى یێن زیان گههشتینێ، ههڤدهم لایهنێن پهیوهندیدار پێدڤییه لێكۆلینهكا هویر بۆ ئهگهرێ وێ رویدانا نهخواستى بكهن".
سهرۆكێ ههرێمێ دیار ژى كر "سوپاسییا تیمێن بهرگرییا شارستانى، ههوارهاتن، پۆلیس، ئاساییش و ساخلهمییێ دكهم كو ب بهرپرسیارانه ئهركێ خۆ بجهئیناینه و رێك ل بهرفرههبوونا پتر یا ئاگرى گرتن".
سهرۆك نێچیرڤان بارزانى داخوازكر "پێدڤییه كار ل سهر دوباره نهبوونا ڤان رویدانان بهێته كرن و دویڤچوونهكا ههمهلایهنى بۆ رویدانێ بهێته كرن ههروهسا كاسبكار ژى پتر پێگیرییێ ب رێنمایان و رێكارێن سلامهتییێ بكهن".
خۆیا ژى كر "ئهڤ بازاره شوینوارهكێ دیرۆكى و سیمایهكێ جوان یێ پایتهختێ ههرێما كوردستانێ یه لهوا ههر پشتهڤانییهكێ بۆ زویتر نویژهنكرنا وێ رادگههینین".