گاڤ - تایبەت
خەلکێ دو پرۆژەیێن ئاکنجیبوونێ ل دهۆکێ گازندە ژ دەنگ و دویکێلا موەلیدەیان هەنە و حالەتێن پەنجەشێرێ ژى چێبووینە.
وەلاتیێن ل هەردو پرۆژەیێن ئارام ستی و دابین دو ل سەنتەرێ پارێزگەها دهۆکێ ژ دەنگ و دویکێلا موەلیدەیێن دکەڤنە د ناڤبەرا هەردو پرۆژەیان دا گازندە هەنە. وەلاتییەکێ ئێک ژ وان پرۆژەیان دبێژیت: ژبەر دویکێلا موەلیدەیان تووشی پەنجەشێرێ بوویمە. وەلاتییەکێ دی دبێژیت: کچا من ژبەر دویکێلا موەلیدەیان تووشی بێهنتەنگییێ بوویە و ل چ دەمێن سالێ ئەو ژبەر دەنگ و دویکێلا موەلیدەیان نەدشێن پەنجەران ڤەبکەن و نەژی موبەریدەیان بکاربینن.
وەلاتیێن ڤان دو پرۆژەیان، پێشتر چەندین جاران گازندەیا خۆ گەهاندییە جهێن پەیوەندیدار و ل گۆرەی نڤیسارەکا فەرمی، لژنەیا موەلیدەیان ل هەژدەی مەها ئادارا ئەڤسالە، داخواز ژ سەرۆکاتییا باژێڕڤانییا دهۆکێ کرییە وێ کێشێ چارە بکەت، یان جهەکی بۆ وان موەلیدەیان تەرخان بکەت و یان ژی بهێنە بێدەنگکرن، لێ تا نوکە کێشە چارە نەبوویە.