سه‌رۆك نێچیرڤان بارزانى و وه‌زیرێ بازرگانییا ئیراقێ ل ته‌هرانێ كۆمبوون
بەلاڤ بکە
گاڤ
سه‌رۆكایه‌تییا هه‌رێما كوردستانێ راگه‌هاند، ئه‌ڤرۆ سێشه‌مبێ 7-5-2024ێ سه‌رۆك نێچیرڤان بارزانى ل گه‌ل وه‌زیرێ بازرگانییا ئیراقێ كۆمبوو.
سه‌رۆكایه‌تییا هه‌رێما كوردستانێ راگه‌هاند، د دیداره‌كێ دا ئه‌ڤرۆ نێچیرڤان بارزانى، سه‌رۆكێ هه‌رێما كوردستانێ ل گه‌ل وه‌زیرێ بازرگانییا ئیراقا فیدرال ل ته‌هرانێ كۆمبوو، په‌یوه‌ندى و ئاستێ لڤینا بازرگانییا ئیراق و هه‌رێم كوردستانێ ل گه‌ل كۆمارا ئیسلامى یا ئیرانێ به‌حسكرن.
هه‌ر د ئالییان دیتنێن خۆ ده‌رباره‌یى ره‌وشا بازرگانى و چالاكیێن ئابۆرى یێن ئیرانێ ل گه‌ل ئیراق و هه‌رێما كوردستانێ و چاوانییا ره‌خساندنا ده‌لیڤه و زه‌مینه‌یه‌كا باشتر یا بازرگانى و نه‌هێلانا ئاسته‌نگان ل هه‌مبه‌ر به‌حسكرن.
د ڤى وارى دا دوپاتى ل گرنگییا به‌رفره‌هكرنا كه‌رتێ بازرگانى د ناڤبه‌را خۆ دا كر كو دێ كارتێكرنا ئه‌رێنى ل سه‌ر ڤه‌ژاندنا ئابۆرى یا هه‌ر دو ئالییان دا په‌یدا كه‌ت.
