نویترین زانیاری ل دۆر ههمیشهییكرنا فهرمانبهرێن گرێبهست
گاڤ
جڤاتا وهزیرێن ههرێما كوردستانێ پشتهڤانییا خۆ ب ههمیشهییكرنا فهرمانبهرێن گرێبهست دهربڕى و بڕیار دا لێكۆلین و دویڤچوونێ بۆ دهستنیشانكرنا مهرج و رێكار و میكانیزمێن گونجاى بۆ ب ههمیشهییكرنا فهرمانبهرێن گرێبهست د دهمێ 15 رۆژان دا بكهت.
حكومهتا ههرێما كوردستانێ پشتهڤانى د پشكداریكرنا بهنكا بازرگانى یا ئیراقێ TBI د پرۆسێسا خۆجهكرنا مووچهیێن مووچهخۆرێن ههرێما كوردستانێ دا و د چارچووڤهیێ پرۆژهیێ ههژمارا من دا كر و بڕیار دا دویڤچوونێ بۆ ب ههمیشهییكرنا فهرمانبهرێن گرێبهست بكهت.
جڤاتا وهزیرێن ههرێما كوردستانێ ئهڤرۆ چارشهمبییێ ب سهرپهرشتییا مهسروور بارزانى سهرۆكێ حكومهتێ و قوباد تالهبانى جێگرێ سهرۆكوهزیرى كۆمبوو.
د بهیانهكا حكومهتێ دا هاتیه "سهرۆكوهزیر مهسروور بارزانى دوپاتكر كو حكومهتا ههرێمێ ههمى ئهرك و پێگیرییێن خۆ بجهئیناینه و پێدڤییه حكومهتا فیدرالى مووچه و شایستهیێن دارایى یێن ههرێما كوردستانێ بهنێریت".
بهیانا جڤاتا وهزیران دیار ژى كریه "راپۆرتهك ژ لایێ ئامانج رهحیم سكرتێرێ جڤاتا وهزیران كو د حهفتییا بۆرى دا سهرۆكایهتییا شاندهكێ تهكنیكى یێ حكومهتا ههرێمێ بۆ بهغدا كربوو، هاته پێشكێشكرن، راپۆرتێ بهحس ل داهاتێن نهپهترۆلێ یێن ههرێما كوردستانێ و ههڤبهشكرنا وان ل گهل بهغدا ل سهر بنهمایێ دهستوورى و یاسایا بودجهیێ و یاسایا برێڤهبرنا دارایى یا فیدرالى، ههروهسا دویڤچوونا وان بۆ خهرجكرنا شایستهیێن دارایى یێن ههرێما كوردستانێ بۆ ههیڤا نیسانێ ههروهسا تهرخانكرییێن دى بۆ ههرێمێ ژ خهرجیێن تهشغیلى، پرۆژهیێن وهبهرهێنانێ و پرۆژهیێن گهشهپێدانا ههرێمان ل گۆرهى خشتهیێن یاسایا بودجهى كریه كو چهندین پێشنیار و راسپاردهیێن كۆمبوونێن بهغدا تێدا ههبوون".
ل دۆر خۆجهكرنا مووچهیان دیاركریه "عهزیز ئهحمهد جێگرێ رێڤهبهرێ نڤیسینگهها سهرۆكوهزیرى، هویركاتى و رۆنكرنێن پێدڤى ل دۆر پرۆسێسا ب بانكیكرنا مووچهیان بهحسكرن و راگههاند؛ ئهو ل گهل بهنكا بازرگانى یا ئیراقێ TBI رێككهفتینه كو ئهو بهنكه ژى د پرۆسێسا ب بانكیكرنا مووچهیێن مووچهخۆرێن ههرێما كوردستانێ دا پشكدار ببیت".
جڤاتا وهزیرێن ههرێما كوردستانێ پشتهڤانییا خۆ بۆ داخوازیێن فهرمانبهرێن گرێبهست دهربڕى كو ژمارهیا وان گههشتیه 30 هزار و 672 فهرمانبهران و راگههاند "جڤاتا وهزیران بڕیار دا لێكۆلین و دویڤچوونا پێدڤى بۆ دهستنیشانكرنا مهرج و رێكار و میكانیزمێن گونجاى بۆ ب ههمیشهییكرنا وان فهرمانبهران بكهت یێن ب رێكارێن یاسایى د شیان دایه ببنه ههمیشهیى و پێدڤییه ئهنجامێن ڤێ لێكۆلینێ ژى د دهمێ 15 رۆژان بهێته تهمامكرن و پاشى بكهڤیته بهردهم جڤاتا وهزیران دا كو بڕیارا دویماهییێ ل سهر بهێته دان".
ههروهسا د راگههاندنا جڤاتا وهزیران دا هاتیه "سهرۆكوهزیرێ ههرێما كوردستانێ لایهنێن پهیوهندیدار راسپاردن لێكۆلینێن پێدڤى ل دۆر ئهگهرێن ئاگربهربوونێ ل بازارێ قهیسهرى ل ههولێرێ بكهن و ههڤخهمییا خۆ ل گهل زیاڤێكهفتییان دیاركر ههروهسا دوپاتى ل سهر پێگیرییێ ب رێنما و رێكارێن پاراستن و سلامهتییێ بۆ رێگریكرنێ ل دوبارهبوونا وان رویدانان كر، ئاماژه ب وێ چهندێ ژى كر كو ئهو بزاڤان دكهن ب هاریكارییا لایهنێن پهیوهندیدار یێن حكومهتێ و رێكخراوا یۆنیسكۆ ئهو بازارێ مێژوویى و شوینهوارى بهێته نویژهنكرن".