سه‌رۆكێ یانه‌یا ریال مه‌درید پشتى یارییا پاریس سان جێرمان و دۆرتمۆند ب ته‌له‌فۆنێ ل گه‌ل ئێمباپێ ئاخفت
بەلاڤ بکە
گاڤ
سه‌رۆكێ ریال مه‌درید پشتى یارییا پاریس سان جێرمان و بورۆسیا دۆرتموند ب ته‌له‌فۆنێ ل گه‌ل كیلیان ئێمباپێ هێشبه‌رێ پاریس سان جێرمان ئاخفت.
پاریس سان جێرمان دوهى سێشه‌مبییێ ب ئه‌نجامێ گۆله‌كێ بێ به‌رانبه‌ر د یارییا هاتنێ د قووناغا به‌رێ دویماهییێ یا چامپیۆنز لیگێ دا ل سه‌ر ده‌ستێ بورۆسیا دۆرتمۆند هاتبوو دۆراندن كو د یارییا ئێكێ ژى دا به‌رانبه‌ر یانه‌یا ئه‌لمانى هاتبوو دۆڕاندن.
تۆڕا دیفێنسا سێنترال یا ئسپانى دیار دكه‌ت "پشتى ب دویماهیك هاتنا یارییا شڤێدى، فلورێنتیۆ پێرێز سه‌رۆكێ ریال مه‌درید ب ته‌له‌فۆنێ ل گه‌ل ئێمباپێ ئاخفت".
ئاشكرا ژى كریه "سه‌رۆكێ یانه‌یا ریال مه‌درید گۆته ئێمباپێ كو وى دڤیا ریال مه‌درید و پاریس سان جێرمان یارییا دویماهییێ یا چامپیۆنز لیگێ ل یاریگه‌ها وێمبلى بكه‌ن".
یارییا دویماهییێ یا چامپیۆنز لیگا ئه‌ورۆپى ل ڤى وه‌رزى دێ ل رۆژا 1/6/2024 ل یاریگه‌ها وێمبلى ل له‌نده‌ن هێته كرن.
بزاڤێن ریال مه‌درید بۆ ڤه‌گوهاستنا ئێمباپێ بۆ دناڤ رێزێن خۆ دا د به‌رده‌وامن و ل گۆره‌ى گه‌له‌ك ئاماژه‌یان ئه‌و بۆ وه‌رزێ بهێت دێ په‌یوه‌ندییێ ب ریال مه‌درید كه‌ت.
