"دڤێت ئێزدى ل جڤاتا نوینهرێن ئێراقێ خودان 5 كورسى بان"
گاڤ
شیرهتكارێ جڤاتا روحانی یا ئێزدییان دبێژیت: دڤێت ئێزدى ل جڤاتا نوینهرێن ئێراقێ خودان 5 كورسى بان، گۆت ژى، نههێلانا كۆرسیێن كۆتایان بۆ ههلبژارتنێن پهرلهمانێ كوردستانێ كارهكێ شاشه.
د.فارس كتى شیرهتكارێ جڤاتا روحانی یا ئێزدییان و مامۆستایێ زانكۆیێ دبێژیت: دڤێت پێكهاتهیان د پرۆسهیا سیاسى دا پشكدارییهكا مهزن ههبیت، و نابیت ب چاڤێ كێمینهیان تهماشهى وان بهێته كرن.
كتى ئاماژه دا هندێ ژى، دڤیابا حكومهتا ئیراقێ ئهو بڕیار بجهئینابا كو ئێزدی ل جڤاتا نوینهرێن ئیراقێ ههژى 5 كورسییانه،لێ ب هێجهتێن جودا جودا ئهو بڕیار پاشخست.
فارس کتی دیاركر، دڤێت ههمی پێكهاتهیێن كوردستانى د دهستههلاتێن یاسادانان، بجهئینان و دادوهریدا پشكداربن، نابیت ب بڕیارهكێ نوینهرێن وان ژپهرلهمانێ كوردستانێ بهێنه دویركرن.
ناڤبرى گۆت ژى :دڤیابا ل جهێ لادانا كۆرسیێن كۆتایان لسهر بنهمایێ ئایین و نهتهوه، بڕیارهك د بهرژهوهندیا پێكهاتهیان دا هاتبادان.