بکارئینانا ماددەیێن هشبەر ل پارێزگەها دهۆکێ زێدەبوویە
بەلاڤ بکە
گاڤ - تایبەت
بکارئینانا ماددەیێن هشبەر ل پارێزگەها دهۆکێ زێدەبوویە و ئەفسەرەک دبێژیت: ل دهۆکێ کەس هەنە د سەر ژیێ ٧٠ سالیێ دا و د بن ژیێ ١٥ سالیێ ژی بکارئینەرێن ماددەیێن هشبەرن.
ل گۆرەى دویڤچوونەکا گاڤ، ب تنێ ل سالا بوورى ل هەرێمێ سێ هزار و پێنج سەد کەس ل سەر بکارئینان و بازرگانیکرن ب ماددەیێن هشبەر هاتینە گرتن و دەست ب سەر پترى سێ تەنێن ماددەیێن هشبەر دا هاتییە گرتن، هەڤدەم د چار هەیڤێن ئەڤ سالە دا، ل پارێزگەها دهۆکێ دوسەد و هەشتێ و دو کەس هاتینە گرتن.
محەمەد حەمید، ئەفسەرێ نەهێلانا ماددەییێن هشبەر بۆ گاڤ راگەهاند: رۆژانە حالەتێن گرتنا گرۆپ و کەسێن کار ب ماددەیێن هشبەر دکەن هەنە و 90% یا وان کەسان ماددێ کریستالى بکاردئینن.
ب گۆتنا وى ئەفسەرى، ل دهۆکێ حالەت هەبووینە د سەر ژیێ ٧٠ سالیێ دا و د بن ژیێ ١٥ سالیێ دا بکارهێنەرێن ماددەیێن هشبەر بووینە.
