گاڤ

ل سه‌ر ئێك زێده‌كرنه‌ك ئه‌ڤرۆ چارشه‌مبییێ بۆ فرۆشتنا وێ كلینسێ ده‌ستپێكر ئه‌وا یانه‌یا به‌رشلۆنا به‌رى 24 سالان سۆزا گرێدانا هه‌ڤبه‌ستێ ل گه‌ل لیۆنێل مێسى ل سه‌ر نڤیسى.

ل سه‌ر ئێك زێده‌كرن ده‌ستپێكریه‌ و ل گۆره‌ى ئۆفه‌رێن ده‌ستپێكى بۆ كڕینا وێ كلینسێ تا نوكه‌ بهایێ وێ گه‌هشتیه‌ نێزیكى 300 هزار دۆلاران.

ل هه‌یڤا دیسه‌مبه‌را سالا 2000 ئیمزا ل سه‌ر وێ كلینسێ هاتبوو كرن، ل وى ده‌مى كارلس ریتساك رێڤه‌به‌رێ وه‌رزشێ یێ به‌رشلۆنا ل گه‌ل هوراسیۆ گاجیۆلى بریكارێ كارێن مێسى ل سه‌ر ڤه‌گوهاستنا مێسى بۆ به‌رشلۆنا رێككه‌فتبوو.

ل وى ده‌مێ ئیمزا ل سه‌ر كلینسێ هاتیه‌ كرن، ته‌مه‌نێ مێسى 13 سال بوون و د دویڤ دا بوویه‌ گۆلكارێ دیرۆكى یێ به‌رشلۆنا.

ئه‌و كلینسه‌ د سه‌ر ئێك زێده‌كرنه‌كێ دا ژ لایێ مالا ل سه‌ر ئێك زێده‌كرنان یا بونهامز یا بریتانى دهێته‌ فرۆشتن و پشتى ده‌مه‌كێ كێم ژ ڤه‌كرنا وێ ل سه‌ر ئێك زێده‌كرنێ بهایێ وێ كلینسێ گه‌هشتیه‌ 220 هزار په‌وه‌ندێن ستێرلینى ئانكۆ 274824 دۆلاران.

ئه‌و ل سه‌ر ئێك زێده‌كرنا ب رێكا ئه‌نترنێتێ ده‌ستپێكرى، ل رۆژا 17ى گۆلانێ دێ ب دویماهیك دهێت.

مێسى 8 جاران خه‌لاتێ ته‌پا زێڕى بده‌ستڤه‌ئینایه‌ و 35 ناسناڤ ل گه‌ل به‌رشلۆنا بده‌ستڤه‌ئیناینه‌، مێسى د 782 یارییان دا ل گه‌ل به‌رشلۆنا 674 گۆل تۆماركرینه‌ و نوكه‌ یارییێ بۆ ئینتر مایامى یا ئه‌مریكى دكه‌ت.