شانده‌كێ كونسلخانه‌یا ئه‌لمانیا سه‌را سه‌رۆكایه‌تییا هه‌رێمێ دا
بەلاڤ بکە
گاڤ
ئه‌ڤرۆ شانده‌كی كونسلخانه‌یا گشتى یا ئه‌لمانیا سه‌را سه‌رۆكایه‌تییا هه‌رێمێ دان پرۆسه‌یا هه‌لبژارتنێن په‌ڕله‌مانێ كوردستانێ مژارا كۆمبوونا وان بوو، به‌حس ل سه‌ره‌دانێن سه‌رۆكێ هه‌ریمێ بۆ به‌غدا و ته‌هران ژى كر.
ئه‌ڤرۆ پێنجشه‌مبێ 9-5-2024ێ فه‌وزى حه‌ریرى، سه‌رۆكێ دیوانا سه‌رۆكایه‌تییا هه‌رێمێ ل گه‌ل شانده‌كێ كونسلخانه‌یا گشتى یا ئه‌لمانیا ل هه‌ولێرێ كۆمبوو، بنیامین هه‌ننا، كونسلێ گشتى یێ ئه‌لمانیا ب وه‌كاله‌ت سه‌رۆكایه‌تییا شاندا كونسلخانه‌یا ئه‌لمانیا بوو.
د دیدارێ دا په‌یوه‌ندیێن هه‌رێما كوردستانێ و ئه‌لمانیا، ره‌وشا ناڤخۆ یا سیاسى یا هه‌رێما كوردستانێ، پرسا هه‌لبژارتنان و پشكدارییا پێكهاتان، هه‌روه‌سا رۆلێ سه‌رۆكایه‌تییا هه‌رێمێ بۆ هه‌لبژارتنان و پشكدارییا هه‌مى ئالییان جهێ دانوستاندنا هه‌ر دو ئالیان بوو.
هه‌ر د دیدارێ دا به‌حس ل سه‌ره‌دانا نێچیرڤان بارزانى، سه‌رۆكێ هه‌رێما كوردستانێ بۆ به‌غدا و ته‌هرانێ كر، دیسا په‌یوه‌ندیێن هه‌ولێر و به‌غدایێ و بزاڤێن چاره‌كرنا كێشه‌یان ژى خستنه به‌ر دانوستاندنێ.
ره‌وشا ناوچێ ب گشتى و هنده‌ك بابه‌تێن دى یێن گرێدایى په‌یوه‌ندیێن ناڤبه‌را هه‌ر دو وه‌لاتان ژى به‌حسكرن.
