سهرۆك نێچیرڤان بارزانى فهرمانا ب قهزاكرنا خۆرمال ئیمزاكر
05/09/2024 - 17:31
گاڤ
سهرۆكێ ههرێما كوردستانێ ئهڤرۆ پێنجشهمبییێ فهرمانا ب قهزاكرنا خۆرمال ل پارێزگهها ههلهبجه ئیمزاكر.
سهرۆكایهتییا ههرێما كوردستانێ راگههاند؛ سهرۆك نێچیرڤان بارزانى ب پشتبهستن ب یاسایا سهرۆكایهتییا ههرێما كوردستانێ ژماره 1 یا سالا 2005 یا ههمواركرى و ل سهر داخوازییا جڤاتا وهزیران، بڕیارا دامهزراندنا قهزایا خۆرمال ل سنوورێ پارێزگهها ههلهبجه ب ههمان سنوورێ نوكه یێ ناوچهدارییا خۆرمال دا.
ئهڤ بڕیاره ژ ئهڤرۆ دێ هێته بجهئینان و ههمى رێكارێن ئیداری بۆ ڤێ مهرهمێ دێ دهستپێكهن.
سهرۆكایهتییا ههرێمێ دیار ژى كر "ب قهزاكرنا خۆرمال دێ بیته ئهگهرێ باشتربوونا رهوشا دهڤهرێ ژ روویێن خزمهتگۆزارى و كارگێرى ڤه و دێ خزمهتهكا پتر گههینیته وهلاتییان".