داگیركرنا زه‌ڤیێن جۆتیارێن كورد ل كه‌ركووكێ به‌رده‌وامه
بەلاڤ بکە
گاڤ
ده‌ستبسه‌رداگرتنا زه‌ڤیێن جۆتیارێن كورد ل ده‌ڤه‌را سه‌رگه‌ڕان ل پارێزگه‌ها كه‌ركووكێ ژ لایێ عه‌ره‌بانڤه به‌رده‌وامه، په‌ڕله‌مانتاره‌كا ئیراقێ ژى دبێژیت، لژنه‌یه‌كا ڤه‌كۆلینێ ل دۆر كێشه‌یێ هاتییه پێكئینان و سه‌ره‌دانا كه‌ركووكێ كرى یه.
نەجوا کاکەیی، پەرلەمانتارا فراکسیۆنا پارتی ل جڤاتا نوێنەرێن ئیراقێ ڕاگەهاند: کێشەییا جووتیارێن کورد لە دەڤەرا سەرگەڕان بەردەوامه و زه‌ڤیێن وان دهێنه داگیركرن، د ده‌مه‌كى دا جۆتیارێن كورد خه‌لكێ ره‌سه‌نێن ده‌ڤه‌رێنه.
پەرلەمانتارا پارتى دا زانین: ئه‌ڤرۆ لێژنه‌یه‌ك ژ به‌غدایێ گه‌هشتیه كه‌ركوكێ ب مه‌ره‌ما ڤه‌كۆلینێ ل كێشه‌یا جۆتیارێن په‌لكانه و ده‌ڤه‌رێ.
گۆت ژى ئه‌و هیڤیدارن، گڤاشتن لسه‌ر خه‌لكێ كورد نه‌مینن، نابیت سۆپایێ ئیراقێ ژى ببیته پشكه‌ك ژ كێشه و لایه‌نگریێ بۆ هاندانا عه‌ره‌بێن هاورده ژبۆ ده‌ستبسه‌رداگرتنا زه‌ڤیێن جۆتیارێن كورد بكه‌ت.
