گاڤ

پەرلەمانێ ئیراقێ وەرزێ خۆ یێ یاسادانانێ بۆ دەما مەهەکێ درێژ کر و ئارمانج ژێ هەموارکرنا هندەک یاسایێن گرنگە.

رێڤەبەرییا راگەهاندنێ ل پەرلەمانێ ئیراقێ شڤێدی درەنگ د بەیانەکێ دا راگەهاند: وەرزێ یاسادانانێ ل گۆرەی ماددەیێ 58 ژ دەستوورێ ئیراقێ بۆ دەما 30 رۆژان هاتە درێژکرن.

د بەیانێ دا هاتییە ژی: بێهنڤەدانا وەرزێ هاڤینێ یا پەڕلەمانی دێ ل رۆژا 9ی خزیرانا ئەڤ سالە دەستپێ کەت و د ڤان 30 رۆژێن درێژکری دا، دێ ژمارەیەکا یاسایێن گرنگ هێنە هەموارکرن.

ئێک ژ وان یاسایێن کو دهێتە پێشبینیکرن د ڤی دەمی دا بهێتە هەموارکرن، درێژکرنا ژییێ کۆمسیۆنا هەلبژارتنێن ئیراقێ یە بۆ دەما 6 مەهان داکو هەلبژارتنێن پەرلەمانێ کوردستانێ بهێنە کرن.