گاڤ

ل ئیندونیزیا زەلامەکێ 26 سالی دبیتە ئەڤیندار و ل سەر وێ ئەڤیندارییێ هەڤژینییێ پێک دئینیت، لێ پشتی 12 رۆژان ژ شەهیانێ، دزانیت هەڤژینا وی زەلامە و ددەتە دادگەهێ.

ل گۆرەی مەدیایێن ئیندۆنیزیا، زەلامەکێ ب ناڤێ (ا. ک.) ل سالا 2023یێ ب بکارئینانا ئەپلیکەیشنەکا ئۆنلاین کەسەک ب ناڤێ (ی. س. هـ) نیاسییە، پاشی چەندین جاران هەڤدو دیتییە، لێ زەلامێ ب رۆلێ ژنێ رادبوو، ب بکارئینانا دەرمانێن جوانکاری و مەیکئاپێ، خۆ وەک ژنان لێکرییە داکو ئەڤیندارێ وی هەست پێ نەکەت.

پشتی بۆرینا دەمەکی، (ا. ک.) یێ 26 سالی داخوازا هەڤژینییێ ژ (ی. س. هـ) کرییە و ل 12 مەها نیسانا 2024ێ وان شەهیانا خۆ کرییە.

پشتی شەهیانێ، زاڤایێ 26 سالی چەندین جاران داخوازا جۆتبوونا سێکسی کرییە، لێ هەر رۆژ ب بەهانەیەکێ هەڤژینا وی رێ نەدایە ئەو کار بهێتە کرن.

پشتی بۆریا 12 رۆژان ژ شەهیانێ، گومان ل دەف مالا زاڤای ژی دروست دبن و دویڤچوونا بویکا خۆ دکەن. د دویڤچوون و لێکۆلینێن وان دا دیار دبیت کو بویکا وان ژن نینە، بەلکو زەلامە و فێل ل کوڕێ وان کرییە، لەورا ئەو دچنە بنگەهەکێ پۆلیسان و سکالایێ تۆمار دکەن.

پشتی تۆمارکرنا سکالایێ، ئەو زەلام دهێتە گرتن و د دانپێدانێن خۆ دا دبێژیت: وی دخواست ب وێ رێکێ پارەیان ژ (ا. ک.) یێ 26 سالی بدزیت.

کەیس چوویە دادگەهێ و ئەگەر هەنە ئەو کەس ب تومەتا دزییێ ب 4 سالان بهێتە زیندانکرن.