گاڤ
ل گۆره‌ى رێزبه‌ندییه‌كا نوى بۆ وه‌لاتێن جیهانێ ژ روویێ گه‌شه‌پێدانا ئابوورى ڤه‌، ئیراق ده‌هه‌مین خرابترین وه‌لاته‌ ل جیهانێ بۆ گه‌شه‌پێدانا ئابوورى.
ل گۆره‌ى رێزبه‌ندییا Ceo World؛ ئیراق ده‌هه‌مین خرابترین وه‌لاته‌ ل جیهانێ ژ روویێ گه‌شه‌پێدانا ئابوورى ڤه‌ د پێنج سالان دا هه‌ر ژ سالا 2020 هه‌تا 2024.
د رێزبه‌ندییێ دا دیار دبیت كو وه‌لاتێن ئه‌فریكا و رۆژهه‌لاتا ناڤین د ره‌وشه‌كا نه‌باش دا نه‌ ژ روویێ گه‌شه‌پێدانا ئابوورى ڤه‌.
ئیراق د رێزبه‌ندییا نوى دا ل رێزا 10ێ وه‌ك خرابترین وه‌لات بۆ گه‌شه‌پێدانا ئابوورى ژ سه‌رجه‌مێ 190 وه‌لاتێن د رێزبه‌ندییێ دا هات.
د پێنج سالێن 2020 هه‌تا 2024 دا، رێژه‌یا گه‌شه‌پێدانا ئابوورى یا ئیراقێ گه‌هشتیه‌ (-0.8)، د ده‌مه‌كێ دا سوودان وه‌ك خرابترین وه‌لات ژ روویێ گه‌شه‌پێدانا ئابوورى ڤه‌ د رێزبه‌ندییێ دا هاتیه‌ ب رێژه‌یا (-5.6).
ئه‌لبانیا د رێزبه‌ندییێ دا ل رێزا ئێكێ هات ل سه‌ر ئاستێ جیهانێ ژ روویێ گه‌شه‌پێدانا ئابوورى ڤه‌ د پێنج سالان دا ب رێژه‌یا (3.3%).