گاڤ
نووچه‌یێن ڤه‌گه‌ڕیانا لیۆنێل مێسى بۆ یانه‌یا به‌رشلۆنا جاره‌كا دى نویبوونه‌ڤه‌ و رۆژنامه‌ڤانه‌كێ نێزیك ژ وى پێشبینیكر مێسى بڤه‌گه‌ڕیته‌ڤه‌ بۆ مالا خۆ كو یانه‌یا به‌رشلۆنایه‌.
مێسى ل هاڤینا سالا 2021 یانه‌یا به‌رشلۆنا هێلابوو و د گرێبه‌سته‌كا ئازاد دا چووبوو دناڤ رێزێن پاریس سان جێرمان دا ب گرێبه‌سته‌كێ بۆ ده‌مێ دو سالان، د دویڤ دا مێسى چوویه‌ دناڤ رێزێن ئینتر مایامى یا ئه‌مریكى دا و نوكه‌ یارییێ بۆ دكه‌ت.
گولێم بالاگى نڤیسه‌رێ پرتووكا (مێسى) و رۆژنامه‌ڤانێ نێزیك ژ ستێرا ئه‌رجه‌نتینى، پێشبینیكر كو مێسى دێ هه‌ر بۆ یانه‌یا به‌رشلۆنا ڤه‌گه‌ڕیت.
وى رۆژنامه‌ڤانى د داخۆیانییه‌كا رۆژنامه‌ڤانى دا گۆت "لێۆنێل مێسى دێ بۆ یانه‌یا به‌رشلۆنا ڤه‌گه‌ڕیته‌ڤه‌".
دیار ژى كر "نوكه‌ مێسى خۆشییێ ژ ده‌مێ خۆ ل ئینتر مایامى دبینیت لێ دێ ئه‌و رۆژه‌ هێت كو وى بڤێت بۆ مالا خۆ بڤه‌گه‌ڕیت و ب نێرینا من ل ده‌ف مێسى مالا وى به‌رشلۆنایه‌".
وى رۆژنامه‌ڤانێ ئسپانى پرتووكه‌ك نڤیسییه‌ ب ناڤێ (مێسى) و تێدا به‌حس ل كاروانێ وه‌رزشى یێ لێۆنێل مێسى كریه‌.