ئیراقێ پلان دانایه ئه‌ڤ ساله نێزیكى 7 ملیۆن ته‌نێن گه‌نمێ جۆتیاران وه‌ربگریت
05/10/2024 - 17:49
بەلاڤ بکە
گاڤ
وه‌زاره‌تا بازرگانى یا ئیراقێ پلان دانایه د ئه‌ڤ ساله دا 6 تا 7 ملیۆن ته‌نێن گه‌نمێ جۆتیاران بهێنه وه‌رگرتن.
كۆمپانییا بازرگانییا دانه‌وێله‌یان یا ئیراقێ راگه‌هاند "ئیراق چوویه د وه‌رزێ نوى یێ گه‌نمى دا و هێشتا وێ ملیۆنه‌ك و 800 هزار ته‌نێن گه‌نمێ سالا بۆرى ژى ماینه".
دیار ژى كریه "هه‌ر ژ سالا 2023 تا نوكه ئیراق پێدڤییا خۆ ژ گه‌نمى تژى دكه‌ت هه‌روه‌سا گه‌نمێ عه‌مباركرى بۆ 4 هه‌یڤان هه‌یه".
ئاماژه ب وێ چه‌ندێ ژى كر "ل گۆره‌ى خه‌ملاندنان، ئیراقێ ل به‌ره 6 تا 7 ملیۆن ته‌نێن گه‌نمى د ڤى وه‌رزى دا ژ جۆتیاران وه‌ربگریت".
حكومه‌تا ئیراقێ ل رۆژا 24ى نیسانا بۆرى راگه‌هاند بوو كو وه‌رزێ بازاركرنا گه‌نمى ژ پارێزگه‌ها ئه‌نبار ده‌ستپێكر.
حكومه‌تا ئیراقێ بهایێ 850 هزار دیناران بۆ كڕینا هه‌ر ته‌نه‌كێ گه‌نمى ژ جۆتیاران ده‌ستنیشانكریه.
