ژڤانێ دهستپێكرنا كاركرنێ ب ڤیزهیا ئێكگرتى یا وهلاتێن كهنداڤێ عهرهبى هاته ئاشكرا كرن
گاڤ
دهزگههێن میدیایى یێن وهلاتێن كهنداڤێ عهرهبى راگههاندن؛ ل دهستپێكا سالا بهێت 2025 دێ كار ب ڤیزهیا ئێكگرتى یا وهلاتێن كهنداڤێ عهرهبى هێته كرن.
وهكى ڤیزهیا شێنگن یا وهلاتێن ئهورۆپى، ل وهلاتێن كهنداڤێ عهرهبى ژى دێ كار ب ڤیزهیا ئێكگرتى هێته كرن.
دهزگههێن میدیایى یێن وهلاتێن كهنداڤێ عهرهبى ئهڤرۆ ئهینییێ راگههاندن؛ ههر ژ دهستپێكا سالا بهێت 2025 دێ كار ب ڤیزهیا ئێكگرتى هێنه كرن و ل گۆرهى وێ ههر كهسهكێ ڤیزهیا ئێك ژ وهلاتێن كهنداڤێ عهرهبى بدهستڤهبینیت، دێ شێت ب وێ ڤیزهیێ سهرهدانا ههر وهلاتهكێ دى یێ كهنداڤێ عهرهبى بكهت.
سیستهمێ نوى یێ ڤیزهیان دێ رێكێ دهته ههر كهسهكێ ڤیزه یان مافێ ئاكنجیبوونێ د ههر وهلاتهكێ كهنداڤێ عهرهبى دا بدهستڤهئینابیت، بشێت سهرهدانا وهلاتێن دى ژى بكهت.
وهلاتێن جڤاتا ههڤكارییێ یا كهنداڤى پێكدهێن ژ سعوودیه، قهتهر، ئیمارات، كوێت، عومان و بهحرێن.