ژ به‌ر پێلێن گه‌رمێ 61 كه‌سان ل تایلاند گیانێ خۆ ژده‌ستداینه
بەلاڤ بکە
گاڤ
ژ به‌ر پێلێن گه‌رمێ ل وه‌لاتێ تایلاند ل باشوورێ رۆژهه‌لاتێ ئاسیا ب ده‌هان كه‌سان د ئه‌ڤ ساله دا گیانێ خۆ ژده‌ستداینه.
وه‌زاره‌تا ساخله‌مییێ یا تایلاندێ راگه‌هاند؛ هه‌ر ژ ده‌ستپێكا سالا 2024 تا نوكه 61 كه‌سان ژ به‌ر پێلێن گه‌رمێ گیانێ خۆ ژده‌ستداینه.
د نوكه ژى دا، وه‌لاتێ تایلاند د پێله‌كا گه‌رمییێ دا دبۆریت كو پله‌یێن گه‌رمییێ هنده‌ك جاران ژ 50 پله‌یان بۆرینه.
ئاژانسا فرانس پرێس ژ وه‌زاره‌تا ساخله‌مییێ یا تایلاندێ ڤه‌گوهاستیه؛ پترییا رویدانێن گیانژده‌ستدانێ ل باكوورێ رۆژهه‌لاتێ وه‌لاتى و ل ده‌ڤه‌رێن چاندنێ بوون.
د هه‌یڤا نیسانێ یا بۆرى ژى دا، ده‌ستهه‌لاتێن بانكۆك پایته‌ختێ تایلاند هۆشدارى ژ بلندبوونا پله‌یێن گه‌رمییێ دابوون كو پله‌یا گه‌رمییێ یا هه‌ستپێكرى هنده‌ك جاران گه‌هشتبوو 52 پله‌یێن سه‌دى.
به‌رى نوكه زانایان هۆشدارى ژ گوهۆرینێن سه‌قاى یێن ژ ئه‌نجامێ چالاكیێن مرۆڤان په‌یدا دبن داینه كو بووینه ئه‌گه‌رێ بلندبوونا پله‌یێن گه‌رمییێ ل ژماره‌یه‌كا وه‌لاتێن جیهانێ.
