سەرۆک نێچیرڤان بارزانی سەرەخۆشی ل شێخ نەهرۆ کەسنەزانی کر
06/16/2024 - 15:32
گاڤ
ئەڤرۆ سپێدێ کوڕێ مەزن یێ شێخ نەهرۆ کەسنەزانی وەغەرکر و نێچیرڤان بارزانی، سەرۆکێ هەرێما کوردستانێ د پەیامەکێ دا سەرەخۆشی ل رێبەرێ تەریقەتا قادری کەسنەزانی کر.
سەرۆک نێچیرڤان بارزانی ئەڤرۆ د پەیامەکێ دا نڤیسییە: پرسە و سەرەخۆشییێن خۆ ئاراستەی رێبەرێ تەریقەتا قادری کەسنەزانی دکەم و هەڤسۆزی و هەڤخەمییا خۆ بۆ مالباتا وان دیاردکەم.
ئەڤرۆ رۆژا ئێکشەمبی و رۆژا ئێکێ یا جەژنا قوربانی، کوڕێ مەزن یێ شێخ نەهرۆ کەسنەزانی، رێبەرێ تەریقەیا قادری کەسنەزانی ژیانا خۆ ژ دەستدا و ئێک ژ کەسوکارێن وی گۆت: ناڤێ کوڕێ وی محەمەد بوو، ژییێ وی 18 سال بوون، ئەو ل ئوردنێ دژیا، شڤێدی چوویە سەرشۆیەکێ، ل وێرێ کەفتییە و سەرێ وی ب ئەردی کەفتییە، هەرچەندە بۆ نەخۆشخانێ هاتییە ڤەگوهاستن، لێ ئەڤرۆ سپێدێ ژبەر دژوارییا برینێن وی، ژیانا خۆ ژ دەستدایە.