د ههیڤهكێ دا ئیراقێ پتر ژ 5 ملیار دۆلاران كهلوپهل ژ توركیا هاورده كرینه
06/29/2024 - 13:20
گاڤ
ل گۆرەی راگەهاندنەکا دەستەیا ئامارێ یا تورکیا، ئیراق د رێزا 5ێ یا وان وەلاتان دایە کو پترین هاوردەیا کەلوپەلان ژ تورکیا دکەن.
دەستەیا ئامارا تورکیا راگەهاندیە، هەناردەیا کەلوپەلێن وی وەلاتی بۆ ژ دەرڤە بتنێ د هەیڤا گولانا ئەڤ سالە دا ب هەڤبەرکرن دگەل هەیڤا گولانێ یا سالا بۆری ب رێژەیا 11.3٪ زێدەبوویە و هاوردەکرن ژی ب رێژەیا 10.4٪ کێمبوویە.
دیاركریه ژى، ژ کۆما پێنج ژ وان وەلاتێن ژ ههمیان پتر هاوردەیا کەلوپەلان ژ تورکیا دکەن ئەلمانیا د رێزا ئێکێ دهێت ب هاوردەکرنێ ب کۆژمهیێ 8 ملیار و 609 ملیۆن دۆلاران، پشتی ئەمریكا، ئیمارات و ئیتالیا، ئیراق ل رێزا پێنجێ دهێت ب هاوردەکرنا كهلوپهلان ب کۆژمهیێ 5 ملیار و 378 ملیۆن دۆلاران دهێت .