گاڤ
ل گۆرەی ڕیڤەبەرییا بازرگانیا هەرێما کوردستانێ، چەکێ دویێ یێ پارەیێ گەنمێ جۆتیارێن هەرێما کوردستانێ ژ بەغدا گەهشتیە.
نەوزاد شێخ کامل، رێڤەبەرێ بازرگانیا هەرێما کوردستانێ بۆ گاڤ گۆت: کۆژمێ 20 ملیار دیناران وەک چەکێ دویێ ژ پارێ گەنمێ جۆتیارێن هەرێما کوردستانێ ژ بەغدا گەهشتییە، ژ وی کۆژمی، 10 ملیار دینار یێن جۆتیارێن سلێمانی، هەلەبجە، ئیدارەیێن گەرمیان و راپەرینن، 6 ملیار دینار بۆ جۆتیارێن هەولێرێ و 4 ملیار دینار ژی بۆ جۆتیارێن پارێزگەها دهۆکێ نە.
پێشتر ژی کۆژمێ 6 ملیار دیناران گەهشتبوو هەرێما کوردستانێ، ملیارەک و 500 ملیۆن دینار بەهرا جۆتیارێن پارێزگەها دهۆکێ بوو.
تانوکە 291 هزار تەنێن جۆتیارێن هەرێما کوردستانێ هاتینە وەرگرتن و حکومەتا فیدرالی بریاردایە هەمی گەنمێ ئەڤ سالە بهێتە وەرگرتن.
هەروەسا گۆت: پرۆسەیا وەرگرتن و ب بازارکرنا گەنمێ جۆتیارێن هەرێمی ب باشی دهێتە برێڤەبرن.