په‌یڤدارێ ئاسایشا سلێمانیێ بۆ گاڤ نیوز: پیلانا دو گرۆپێن تیرۆرستى هاته تێكدان
بەلاڤ بکە
گاڤ نیوز
په‌یڤدارێ رێڤه‌به‌ریا ئاسایشا پارێزگه‌ها سلێمانیی بۆ گاڤ نیوز راگه‌هاند، هێزێن ئۆپه‌راسیۆنا ده‌زگه‌هێ ئاسایشا هه‌رێمێ شیان پیلانا دو گرۆپێن تیرۆرستى تێكبده‌ن، كو ب نیازبوون، كریارێن تیررستى ل پاریزگه‌هێن، هه‌ولێرێ، سلێمانیێ، حه‌له‌بچه و ده‌ڤه‌را گه‌رمیان ئه‌نجام بده‌ن.
مقه‌دم/ یاسین سه‌میع بۆ گاڤ نیوز دا زانین، هێزێن وان شیان، ئه‌ندامێن دو گرۆپان ده‌سته‌سه‌ر بكه‌ن كو پیلان دارشتبوو، ل باژێرێ هه‌ولێرێ كریارێن تیرۆرستى ئه‌نجام بده‌ن و هژماره‌كا كه‌ساتیان تیرۆر بكه‌ن. هه‌روه‌سا ل دیڤ ئاخفتنێن ده‌سته‌سه‌ركریان، وان پلان دانابوو ل هه‌ر ئێك ژ باژێرێن سلێمانیێ، حه‌له‌بچه و ناوچه‌یا گه‌رمیان ژى كریارێن تیرۆرستى ئه‌نجام بده‌ن.
په‌یڤدارێ ئاسایشا سلێمانێ بۆ گاڤ دا زانین ژى، ل گۆره‌ى به‌لگه‌یێن دورست و پشتراستكرى، ئه‌و هه‌ردو گرۆپێن تیرۆرستى ب رێكا سوشیال میدیایێ كه‌ڤتینه ژێر كاریگه‌ریا هزرا تیرۆرستى یا یا داعشێ و ب دو ئاراسته‌یێن جودا كار دكر بۆ بجهئینانا پلانێن خۆ.
گۆت ژى، پلاتفۆرمێن سۆشیال میدیایێ رۆله‌كێ مه‌زن هه‌یه د سه‌ردابرنا گه‌نجێن هه‌رێمێ و لادانا وان، داخواز ژ مامۆستایێن ئاینى ژى كر رۆله‌كێ ئه‌رینى هه‌بیت داكو گه‌نجێن هه‌رێمێ به‌ره‌ڤ توندڕه‌ویێ نه‌چن، چونكى ئایینێ ئیسلامێ به‌ریئه ژ به‌لاڤكرنا ترس و توقاندنێ. سپاسیا وه‌لاتیێن هه‌رێما كوردستانێ ژى كر كو رۆله‌كێ مه‌زن هه‌بوو د ناساندن و دیاكرنا جهێ وان تیرۆرستان دا،
