50% یا ئاڤا رویبارێ زێى دێ هێته گرتن
08/10/2022 - 20:01
بەلاڤ بکە
گاڤ نيوز
ناوچه‌داریا دێره‌لۆكێ ل سنۆرێ قه‌زا ئامێديێ راگه‌هاند: وه‌ك تێست 50% یا ئاڤا رویبارێ زێى دێ هێته گرتن.
د راگه‌هاندنه‌كا رێڤه‌به‌ريا ناوچه‌داریا دێره‌لۆك دا هاتيه؛ ل ده‌مژمێر 11ى ئه‌ڤشه‌ڤه وه‌ك تێست دێ 50% ژ ئاڤا رويبارێ زێى ژلايێ پرۆژه‌يێ هايدرۆپا‌وه‌رێ دێره‌لۆك ڤه هێته گرتن و دێ بۆ ده‌مێ سێ رۆژان به‌نداڤ تژى بيت و هه‌ر ناڤبه‌ين ناڤبه‌ين ئاڤا رويبارى دێ كێم و زێده بيت.
تێدا هاتيه ژى؛ داخوازێ ژ خه‌لكێ سنوورێ دێره‌لۆك، شێلادزێ، ده‌ڤه‌را ده‌شتا زێى و ده‌ڤه‌رێن دكه‌ڤنه سه‌ر رويبارێ زێ يێ مه‌زن دكه‌ين كو خۆ نزيكى سه‌ر ئاڤا رويبارێ زێى نه‌كه‌ن چونكى ره‌نگه ژ نشكه‌كێڤه ئاڤا رويبارى زێده ببيت و مه‌ترسى بكه‌ڤيته سه‌ر ژيانا وان.
ديار ژى كريه؛ ئه‌ڤ تێسته دێ بۆ ده‌مێ 15 رۆژان به‌رده‌وام بيت.
