سعووديه دو بڕيار ل دۆر عومره‌يێ دان
08/13/2022 - 23:10
بەلاڤ بکە
گاڤ نيوز
وه‌زاره‌تا حه‌ج و عومره‌يێ يا سعووديه ئه‌ڤرۆ رۆژا شه‌مبيێ دو بڕيار ل دۆر ئه‌داكرنا رێوره‌سمێن عومره‌يێ دان.
د راگه‌هاندنه‌كا وه‌زاره‌تێ دا هاتيه؛ ژ نوكه وێڤه ئه‌و كه‌سێن بۆ گه‌شتياريێ دهێنه سعووديه، دشێن عومره‌يێ ئه‌دا بكه‌ن.
ئه‌ڤ چه‌نده د ده‌مه‌كێ دا دهێت كو ژ به‌رى نوكه ئه‌و كه‌سێن ب ڤيزه‌يا گه‌شتياريێ سه‌ره‌دانا سعووديه دكرين، نه‌دشيان عومره‌يێ ئه‌دا بكه‌ن چونكى ڤيزه‌يه‌كا تايبه‌ت بۆ ئه‌داكرنا عومره‌يێ هه‌بوو.
وه‌زاره‌تا حه‌ج و عومره‌يێ يا سعووديه راگه‌هاند ژى؛ ژ نوكه وێڤه عومره‌كار دشێن زارۆكێن د بن پێنج ساليێ دا بۆ گه‌شتا عومره‌يێ ل گه‌ل خۆ ببه‌ن.
ديار ژى كر؛ زارۆكێن د بن ژيێ 5 ساليێ دا يێن ل گه‌ل عومره‌كاران قه‌ستا گه‌شتا عومره‌يێ دكه‌ن، پێدڤى ب رێكپێدانێ نابن و زارۆكێن د سه‌ر 5 ساليێ دا دێ پێدڤى ب رێكپێدانێ بن.
