150 زیارەتکارێن ئيرانى ژ رويدانه‌كا فرۆكه‌يێ رزگاربوون
09/15/2022 - 17:46
بەلاڤ بکە
گاڤ نيوز
فرۆكه‌يه‌كا ئيرانى پشتى چه‌ند خۆله‌كان ژ فڕينێ ژ فرۆكه‌خانه‌يا نه‌جه‌ف جاره‌كا دى ڤه‌گه‌ڕياڤه كو نێزيك ببوو ب ده‌هان سوارێن وێ ژیانا خۆ ژده‌ستبده‌ن.
ژێده‌ره‌كێ بۆ ئاژانسا شه‌فه‌ق نيوز دياركر؛ فرۆكه‌يه‌كا گرێداى هێلێن ئاسمانى يێن ئيرانى ژ به‌ر خشته‌يێ قه‌ره‌بالغ يێ گه‌شتان، ده‌رگه‌هێ چانته‌يان د فرۆكه‌يێ دا هێلابوو ڤه‌كرى و چ نه‌مابوو دا كاره‌ساته‌كا مه‌زن رويده‌ت.
ديار ژى كر؛ ئه‌ڤ رويدانه دا بيته ئه‌گه‌رێ ژیانژدەستدانا 150 زیارەتکارێن ئيرانى و تيما فرۆكه‌يێ، چونكى هێلانا ڤەکری ده‌رگه‌هێ چانته‌يان د فرۆكه‌يێ دا دبيته ئه‌گه‌ر فرۆکە ل ئاسمانی شەق ببیت و ببیتە دو کەر.
خۆيا ژى كر؛ كاپتنێ فرۆكه‌يێ ژ به‌ر زه‌حمه‌تا هاژۆتنا فرۆكه‌يێ، پشتى 20 خۆله‌كان ژ فڕينا وێ داخوازا ڤه‌گه‌ڕيانا ب له‌ز بۆ فرۆكه‌خانه‌يا نه‌جه‌ف كر.
