رێڤه‌به‌ريه‌ك ل هه‌رێما كوردستانێ بڕياره‌كێ ل دۆر بێهنڤه‌دانا شه‌مبيێ دده‌ت
09/16/2022 - 17:27
بەلاڤ بکە
گاڤ نيوز
رێڤه‌به‌ريه‌كا هه‌ولێرێ بڕيار دا ژ بۆ برێڤه‌برنا مامه‌له‌يێن وه‌لاتيان ب ئاوايه‌كێ ده‌مكى بێهنڤه‌دانا رۆژا شه‌مبيێ نه‌هێليت.
زه‌رده‌شت عه‌بدولخالق رێڤه‌به‌رێ ئاڤا هه‌ولێرێ بۆ ئاژانسا شه‌فه‌ق نيوز دياركر؛ نه‌هێلانا بێهنڤه‌دانا رۆژا شه‌مبيێ ژ بۆ ته‌مامكرنا مامه‌له‌يێن وه‌لاتيانه يێن گرێداى لێبۆرينێ ژ رێژه‌يا 15% ژ بهايێ ره‌سمێن ئاڤێ يێن حكومه‌تێ.
ديار ژى كر؛ نه‌هێلانا بێهنڤه‌دانێ يا ده‌مكى يه هه‌تا رۆژا 20ى ڤێ هه‌يڤێ كو ژڤانێ ب دويماهيك هاتنا مووله‌تا لێبۆرينێ يه ژ داشكاندنا 15%.
حكومه‌تا هه‌رێما كوردستانێ ژ به‌رى نوكه بڕيار دا بوو كو وه‌لاتى ژ 15% يا كرێيێن ئاڤێ دێ هێنه لێبۆرين و ئه‌ڤ مووله‌ته تا 20ى ڤێ هه‌يڤێ به‌رده‌وامه.
