گاڤ نيوز

وه‌زاره‌تا به‌ره‌ڤانيێ يا ئيراقێ ئه‌ڤرۆ ئه‌ينيێ ره‌تكر كو هێزه‌كا له‌شكه‌رى به‌ره‌ڤ سه‌ربازگه‌ها زێلكان ل باشيكێ كو هێزێن توركى ل وێرێ هه‌نه‌ چوو بيت.

د به‌يانه‌كا وه‌زاره‌تێ دا هاتيه‌؛ ئه‌و داخۆيانيا ب ناڤێ ناسر ئه‌لغه‌نام فه‌ريقێ هێزێن تايبه‌ت هاتيه‌ به‌لاڤكرن كو ناڤبرى ب سه‌ركێشيا هێزه‌كا له‌شكه‌رى يا مه‌زن به‌ره‌ڤ زێلكان ڤه‌ ل باشيكێ چوويه‌ چ راستى بۆ نينه‌.

ديار ژى كريه‌؛ ناڤهاتى سه‌رۆكێ ئه‌كادێميه‌كا له‌شكه‌رى يه‌ كو سازيه‌كا راهێنانێ يه‌ و چ په‌يوه‌ندى ب شه‌ڕى ڤه‌ نينه‌.

ژ به‌رى نوكه‌ هنده‌ك نووچه‌ به‌لاڤ بوون كو هێزه‌كا مه‌زن يا سوپايێ ئيراقێ ب سه‌ركێشيا ناسر ئه‌لغه‌نام ژ بۆ ئينانه‌خوارا ئالايێ توركيا به‌ره‌ڤ سه‌ربازگه‌ها زيلكان ڤه‌ چوويه‌.