ئاسايشا هه‌ولێرێ بۆ گاڤ راگه‌هاند؛ د ئوپه‌راسيۆنه‌كا تايبه‌ت يا دژه‌تيرۆر و ئاسايشێ دا ل تاخێ شه‌هيدێن ئێكه‌تيێ ل هه‌ولێرێ، دو وه‌لاتى ب تۆمه‌تا كوشتنا هاوكار عه‌بدوللا ره‌سوول ئه‌فسه‌رێ جڤاتا ئاسايشا هه‌رێمێ هاتنه‌ ده‌سته‌سه‌ركرن.
د ده‌مه‌كێ دا ژ ئه‌ڤرۆ ئه‌ينيێ جڤاتا ئاسايشێ يا هه‌رێما كوردستانێ راگه‌هاندنه‌ك ل دۆر رويدانا ئه‌ڤرۆ يا ته‌قينا ترۆمبێله‌كێ ل هه‌ولێرێ به‌لاڤكر بوو و تێدا ئه‌ڤ كاره‌ ب كاره‌كێ تيرۆرستى يێ ترسنۆ‌ك لقه‌له‌مدابوو و راگه‌هاند بوو كو لێكۆلين ل دۆر رويدانێ ده‌ستپێكرن و تۆمه‌تبار دێ گه‌هنه‌ سزايێ خۆ.