نشته‌رگه‌رى و پشكنينێن بێ به‌رانبه‌ر بۆ كه‌سوكارێن شه‌هيدان و زيندانيێن سياسى ل سه‌نته‌رێن دلى دێ هێنه كرن
بەلاڤ بکە
گاڤ نيوز
حكومه‌تا هه‌رێما كوردستانێ ئه‌ڤرۆ سێشه‌مبيێ راگه‌هاند كو دێ نشته‌رگه‌رى و پشكنينێن بێ به‌رانبه‌ر بۆ كه‌سوكارێن شه‌هيدان و زيندانيێن سياسى ل سه‌نته‌رێن دلى هێنه كرن.
مالپه‌رێ حكومه‌تا هه‌رێما كوردستانێ به‌لاڤكريه؛ پشتى رێككه‌فتنا وه‌زاره‌تا كاروبارێن شه‌هيدان و ئه‌نفالكريان ل گه‌ل وه‌زاره‌تا ساخله‌ميێ يا هه‌رێمێ، وه‌زاره‌تا ساخله‌ميێ ژماره‌يه‌كا نڤيساران بۆ خزمه‌تا كه‌سوكارێن شه‌هيدان، زيندانيێن سياسى، قۆربانيێن جينۆسايد و به‌ركه‌فتيێن چه‌كێ كيميايى ئاراسته‌ى لايه‌نێن شوله‌ژێ كرينه.
ديار ژى كريه؛ ل گۆره‌ى نڤيساره‌كا وه‌زاره‌تا ساخله‌ميێ، پشكنين و نشته‌رگه‌رى و چاره‌سه‌ريا كه‌سوكارێن شه‌هيدان، زيندانيێن سياسى، قۆربانيێن جينۆسايد و به‌ركه‌فتيێن چه‌كێ كيميايى بێ به‌رانبه‌ر ل پارێزگه‌هێن دهۆك، هه‌ولێر و سلێمانيێ دێ هێنه كرن ب نڤيسارا پشتگيريێ يا وه‌زاره‌تا كاروبارێن شه‌هيدان و ئه‌نفالكريان و ئاماژه‌دان ب كودێ تايبه‌ت يێ سه‌نته‌رێن دلى.
