گاڤ نيوز

باليۆزا ئه‌مريكا ل ئيراقێ ئه‌ڤرۆ شه‌مبيێ تويته‌كا نوى به‌لاڤكر و تێدا ئاماژه‌ دا پێنج خالان كو ئه‌مريكا ژ حكومه‌تا نوى يا ئيراقێ و لايه‌نێن سياسى يێن ئيراقى دڤێن.

ئه‌لينا رۆمانۆڤسكى د تويته‌كێ دا دياركر؛ يا گرنگه‌ بۆ ئيراقيان پێشڤه‌چوون د به‌رژه‌وه‌نديێن هه‌ڤپشك د ناڤبه‌را ئه‌مريكا و ئيراقێ دا رويبده‌ت.

راگه‌هاند ژى؛ يا گرنگه‌ ل ئيراقێ به‌رسينگگرتنا گه‌نده‌ليێ بهێته‌ كرن، ده‌ليڤه‌يێن كارى بهێنه‌ به‌رده‌ستكرن، سه‌قامگيرى ب رێكا سازيێن ئه‌منى يێن حكومى به‌رقه‌رار بيت، داعش ل ئيراقێ نه‌مينيت و ئيراق د سه‌ره‌ده‌ريێ ل گه‌ل گوهۆڕيێن سه‌قاى دا خۆ بگونجينيت.

باليۆزا ئه‌مريكا ل ئيراقێ دوهى ئه‌ينيێ ژى په‌يامه‌ك ل دۆر پێكئينانا حكومه‌تا نوى يا ئيراقێ به‌لاڤكر بوو و راگه‌هاند بوو كو ئه‌مريكا پێشوازيێ ل به‌رسينگگرتنا گه‌نده‌ليێ ل ئيراقێ دكه‌ت.

ناڤهاتيێ ته‌كه‌زى ل سه‌ر وێ چه‌ندێ ژى كربوو كو ئه‌مريكا يا پێگيره‌ ب پشته‌ڤانى و هه‌ڤكاريێ ل گه‌ل حكومه‌تا ئيراقێ يا نوى بۆ بجهئينانا ئارمانجێن هه‌ڤپشك.