سهرۆك مهسعوود بارزانى دێ دیڤچوونا سكالایێن ل كۆنگرهیێ پارتى كهت
گاڤ نیوز – تایبهت
لژنهیا ئامادهكارا كۆنگرهیێ پارتى بۆ گاڤ راگههاند: د پرۆسهیا ههلبژارتنا ئهندامێن كۆنگرهیى دا ژمارهكا سكالایان هاتینه تۆماركرن و سهرۆك بارزانى ئهو راسپاردینه ب هویرى دیڤچوونا سكالایان بكهن.
نهجات حهسهن، جێگرێ سهرۆكێ لژنهیا ئامادهكارا كۆنگرهیێ چاردێ یێ پارتى دیمۆكراتى كوردستان بۆ گاڤ گۆت: پرۆسهیا ههلبژارتنا ئهندامێن كۆنگرهیی ل ههمى لقان ب دویماهى هاتینه و بتنێ پێشمهرگه مایه و ل نێزیكترین دهم ئهو ژى دێ نوینهرێن خۆ ههلبژێرن كو د بنه 115 نوینهر.
ههروهسا گۆت: د ههلبژارتنا ئهندامێن كۆنگرهیى دا ژمارهكا سكالایان هاتینه تۆماركرن و سهرۆك بارزانى ئهو راسپاردینه ب هویرى دیڤچوونا سكالایان بكهن و ئهو ژى ب جدى كار ل سهر دكهن.
نهجات حهسهن دبێژیت: د ڤان دو رۆژان دا ئهو دێ ل گهل سهرۆك بارزانى كۆمبن و دهمێ كۆنگرهیى دیاركهن و گۆت: ههمى بهرههڤى هاتینه كرن و جهـ ژى تهمام بوویه و یێ بهرههڤه بۆ كۆنگرهیى.
گاڤ زانیە حەفتیا بوورى ژى سەرۆک بارزانی کۆمبوونەک ل گەل لژنا بلندا ئامادەکارا کۆنگرەیێ پارتی کربوو، بڕیارە دوماهی کۆمبوون ڤان رۆژان بهێتە کرن و دوماهی بڕیار ل دۆر دیارکرنا رۆژا کۆنگرەی و هژمارەکا بابەتێن دی بهێتهدان.