پلاسخارت: دو مليار و نيڤ دولارێن هاتينه دزين ڤهگهڕينن
گاڤ نيوز
نوينهرا سكرتێرێ گشتى يێ نهتهوهيێن ئێكگرتى ل ئيراقێ داخوازا ڤهگهڕاندنا كۆژمهيێ 2 مليار و نيڤ دولارێن ژ دهستهيا باجێ يا وهزارهتا دارايى هاتينه دزين ژ بۆ گهلێ ئيراقێ و خۆدانێن وان كر.
د تويتهكا جێنين پلاسخارت دا هاتيه؛ ئهو 2.5 مليار دولارێن بهرزهبووين بڤهگهڕينن و د ئاڤاكرن و پێشڤهبرنا قۆتابخانهيان، نهخۆشخانهيان، كهرتێ وزهيێ، كهرتێ ئاڤێ و رێكان دا بكاربينن.
تێدا هاتيه ژى؛ پێدڤيه لێكۆلين ل دۆر ڤى بابهتى بهێته كرن، كهسێن راستيان ئاشكرا دكهن بهێنه پاراستن و ئهڤ كۆژمهيێ پارهى بۆ خۆدانێن وان بهێنه ڤهگهڕاندن.
موستهفا كازمى سهرۆكوهزيرێ حكومهتا كاربرێكهر يا ئيراقێ تا پێكئينانا حكومهتا نوى دوهى ئێكشهمبيێ رۆنكرنهك ل دۆر دزينا دو مليار و نيڤ دولاران ژ پارهيێن باجێ ژ بهنكا رافيدهين يا حكومى بهلاڤكر بوو و راگههاند بوو كو حكومهتا ئيراقێ ههمى رێكارێن پێدڤى بۆ لێكۆلينێ ل دۆر ڤى بابهتى گرتينه بهر.
ئيحسان عهبدولجهبار وهزيرێ دارايى يێ ئيراقێ يێ ژكارلاداى ل شهمبيێ ئاشكرا كربوو كو دو مليار و نيڤ دولار ژ پارهيێن باجێ د بهنكا رافيدهين يا حكومى دا هاتينه دزين.
لژنهيا دهستپاكيێ يا پهرلهمانێ ئيراقێ ژى راگههاند بوو كو ئهو دێ وهزيرێ دارايى يێ ژكارلادايى و ژمارهيهكا بهرپرسان ل دۆر دزينا دو مليار و نيڤ دولاران ژ پارهيێن باجێ ژ بهنكا رافيدهين يا حكومى ل رۆژا چارشهمبيێ گازيكهت.