سوودانی: وەزیر دێ ل سەر بنەمایێ شیانان هێنە دانان
10/21/2022 - 10:36
گاڤ نیوز
سەرۆکوەزیرێ راسپاردی یێ ئیراقێ ڤەکرنا دەرگەهێ پێشکێشکرنێ بۆ پۆستێن وەزاری راگەهاند و دیار کر: ژێگرتنا بەربژاران دێ ل سەر بنەمایێ شیانان بیت.
نڤیسینگەها راگەهاندنێ یا محەمەد شیاع سوودانی، سەرۆکوەزیرێ راسپاردی یێ ئیراقێ ئەڤرۆ راگەهاند: رێککەفتن پێشتر د ناڤ چارچووڤەیێ هەماهەنگیێ دا هاتیە کرن کو هەموو فراکسیۆنێن د چارچووڤەی دا ماف هەیە ناڤێن بەربژارێن خۆ بۆ پۆستێن وەزاری پێشکێشی سەرۆکوەزیرێ راسپاردی بکەن.
د بەیانا نڤیسینگەها سوودانی دا هاتیە ژی: ل دوماهیێ سەرۆکوەزیرێ راسپاردی دێ رازیبوونێ ل سەر هندەک ناڤان دەت و ژێگرتنا وان کەسان دێ ل سەر بنەمایێ شیان، دەستپاکی و بەلەنسێن هەلبژارتنان بیت.