گه‌شتێن ئاسمانى دێ د ناڤبه‌را فرۆكه‌خانه‌يێن هه‌ولێر و سلێمانيێ دا ده‌ستپێكه‌ن
بەلاڤ بکە
گاڤ نيوز
كارگێريا فرۆكه‌خانه‌يا نێڤده‌وله‌تى يا هه‌ولێرێ راگه‌هاند كو وان پلان دانايه گه‌شتێن ئاسمانى ل گه‌ل فرۆكه‌خانه‌يا سلێمانيێ ده‌ستپێبكه‌ن و رێكارێن پێدڤى هاتينه هاڤێتن.
ئه‌حمه‌د هوشيار رێڤه‌به‌رێ فرۆكه‌خانه‌يا هه‌ولێرێ بۆ ئاژانسا شه‌فه‌ق نيوز راگه‌هاند؛ فرۆكه‌خانه‌يا هه‌ولێرێ گه‌شت ل گه‌ل هه‌مى پارێزگه‌هێن ئيراقێ يێن فرۆكه‌خانه هه‌ين، هه‌نه و ئه‌م د رژدين گه‌شتێن ئاسمانى ل گه‌ل فرۆكه‌خانه‌يا سلێمانيێ ژى ده‌ستپێبكه‌ن.
ناڤهاتى ئاشكرا ژى كر؛ كارگێريا فرۆكه‌خانه‌يێ ژ بۆ ڤى بابه‌تى ل گه‌ل كۆمپانيا هێلێن ئاسمانى يا ئيراقى كۆمبوويه و وان راگه‌هانديه كو دێ دويڤچوونا ڤى بابه‌تى كه‌ن.
ديار ژى كر؛ هه‌مى رێكارێن پێدڤى بۆ ڤى بابه‌تى هاتينه هاڤێتن.
خۆيا ژى كر؛ كارگێريا فرۆكه‌خانه‌يێ دێ هويركاتيێن گه‌شتێن ئاسمانى دناڤبه‌را هه‌ولێر و سلێمانيێ دا ل ده‌مێ رازيبوون ل سه‌ر دهێته كرن، دێ راگه‌هينيت.
