سهرۆك نێچيرڤان بارزانى و سودانى تهكهزى ل سهر چارهسهركرنا كێشهيێن ههولێر- بهغدا كرن
گاڤ نيوز
سهرۆكێ ههرێما كوردستانێ د پهيوهنديهكا تهلهفۆنى دا ل گهل محهمهد شياع سودانى سهرۆكوهزيرێ نوى يێ ئيراقێ رهوشا ئيراقێ بهحسكرن و ههردو لايان تهكهزى ل سهر چارهسهركرنا كێشهيێن ههولێر- بهغدا كرن.
د راگههاندنهكا سهرۆكاتيا ههرێما كوردستانێ دا هاتيه؛ سهرۆك نێچيرڤان بارزانى د پهيوهنديهكا تهلهفۆنى دا ل گهل سودانى پشتهڤانيا خۆ و ههرێما كوردستانێ بۆ سهركهفتنا كابينهيا محهمهد شياع سودانى دوپاتكر و بهرههڤيا ههرێما كوردستانێ بۆ ههماههنگيێ ل گهل حكومهتا وى نيشاندا.
تێدا هاتيه ژى؛ سودانى سوپاسيا پهيوهندى و ههلويستێ سهرۆك نێچيرڤان بارزانى كر و هيڤى خواست حكومهتا وى د ڤێ قووناغێ دا ب ههڤكاريا ههرێما كوردستانێ رهوشا وهلاتى بهرهڤ باشتر ڤه ببهت.
د راگههاندنێ دا هاتيه ژى؛ ههردو لايان تهكهزى ل سهر گرنگيا ههڤكاريا ههڤپشك و پێكڤهكاركرنا حكومهتێن ئيراقێ و ههرێما كوردستانێ بۆ چارهسهركرنا كێشهيێن ههولێر- بهغدا ل سهر بنهمايێ دهستوورى كرن.