فرهنسا.. كهسهكێ پشتى دهمژمێر 3ى شهڤێ ڤهگهڕياى مال ب دههان كهس رزگاركرن
گاڤ نيوز
دهستههلاتێن فرهنسى ئهڤرۆ شهمبيێ راگههاندن كو رهفتارا كهسهكێ ل شهڤێ درهنگ زڤڕيهڤه بۆ مال، بوويه ئهگهرێ قۆرتالبوونا ب دههان كهسان ژ ههڕفتنا ئاڤاهيهكێ.
ئاژانسا ئهسوسيهيتد پرێس ژ دهستههلاتێن پارێزگهها ليل يا فرهنسى ڤهگوهاستينه؛ ئاڤاهيهك ل نيڤا باژێڕى ل شڤێدى ژ ئاكنجيێن وێ هاته ڤالاكرن، پشتى كهسهكێ پشتى دهمژمێر 3ى شهڤێ ژ دهرڤهى ئاڤاهى ديمهنێ شهقبوونا ئاڤاهى و نزيكبوونا ههڕفتنا وى ديتى، جهێن شولهژێ پێحهساندين.
ديار ژى كريه؛ وى كهسى ئێكسهر پهيوهندى ب دهستههلاتێن ههوارهاتنێ كر و د ئهنجام دا بهرهڤ جهێ رويدانێ هاتن و ئهو ئاڤاهيه ژ ئاكنجيبوويان ڤالاكرن.
ئاڤاهى ژ ئۆفيسێن بازرگانى و جهێن ئاكنجيبوونێ پێكدهات و ب دههان كهس تێڤهبوون، ل گۆرهى ئاژانسێن نووچهيان.
مارتين ئوبرى پارێزگارا ليل راگههاند؛ رهفتارا ڤى كهسى بوويه ئهگهرێ قۆرتالبوونا گيانان.
ناڤهاتيێ ديار ژى كر؛ ئهگهر ئهو كهسه ل دهمژمێر 3 و نيڤى شهڤێ نهڤهگهڕيابا مال و پهيوهندى ب مه نهكربا، دا گهلهك كهس گيانێ خۆ ژدهستدهن.
تا نوكه ئهگهرێن دروست يێن ههڕفتنا ئاڤاهى ديار نهبووينه و لێكۆلين ل دۆر رويدانێ دهستپێكرينه.