ئیران گه‌فا ل هه‌رێمێ دكه‌ت
بەلاڤ بکە
گاڤ
سه‌ربارى كارڤه‌دانێن ناڤخۆیی و نێڤده‌وله‌تى ل دۆر هێرشا دوهى یا ئیرانێ بۆ سه‌ر هه‌رێما كوردستانێ، جاره‌كادى ئیرانێ گه‌ف ل هه‌رێمێ كرن.
سه‌رۆكێ گشتى یێ هێزێن چه‌كدارێن ئیرانێ (محه‌مه‌د باقرى) ئه‌ڤرۆ راگه‌هاند، ئه‌و سوزێن هه‌رێما كوردستانێ داینه ئیرانێ ل دۆر حزبێن رۆژهه‌لاتێ كوردستانێ، بجهـنه‌ئینان، دیاركر ژى ئه‌و دێ ئۆپه‌راسیۆنێن خۆ ل دژى وان حزبان ل ناڤ ئاخا هه‌رێمێ به‌رده‌وام كه‌ن.
باقرى گۆت ژى، د نها دا 1200 باره‌گه‌هـ ل هه‌رێما كوردستانێ دژى ئیرانێ كار لێ دهێته كرن، گۆت ژى به‌رپرسێن هه‌رێمێ گه‌له‌ك سوز ب وان داینه بۆ نه‌هێلانا باره‌گه‌هێن هێزێن دژبه‌ر‌ێن ئیرانێ لێ ئه‌و ژ بجهئینانا وان سوزان بێهیڤى بووینه.
وى فه‌رمانده‌یێ ئیرانێ گۆت ژى، وان هه‌رێما كوردستانێ ئاگه‌هدار كرى یه یان دڤێت هێزێن ل دژى ئیرانێ بهێنه ژ چه‌ككرن یان ژ ناڤا سنورێن خۆ ده‌ربێخن، ئه‌گه‌ر نه ئیران ناهێلیت ئه‌و هێز لسه‌ر ئێمناهیا وێ ببنه گه‌ف.
