سه‌رۆك نێچيرڤان بارزانى بۆ قۆربانيێن په‌قينا سلێمانيێ: ل گه‌ل هه‌وه هه‌ڤخه‌مم
بەلاڤ بکە
گاڤ نيوز
سه‌رۆكێ هه‌رێما كوردستانێ هه‌ڤخه‌ميا خۆ ل گه‌ل خێزان و كه‌سوكارێن قۆربانيێن په‌قينا ئه‌ڤ شه‌ڤه ل سلێمانيێ ده‌ربڕى.
د تويته‌كا سه‌رۆك نێچيرڤان بارزانى دا هاتيه؛ هزر و بير و دلێ من ل گه‌ل خێزان و كه‌سوكارێن قۆربانيێن رويدانا ته‌قينا ئه‌ڤ شه‌ڤه ل سلێمانيێ يه، سه‌ره‌خۆشيێ ل وان دكه‌م و هه‌ڤخه‌مم ل گه‌ل وان.
د تويتێ دا هاتيه ژى؛ خودێ قۆربانيان ب ميهره‌بانيا خۆ شاد بكه‌ت و ئاراميێ بده‌ته هه‌ميان و داخوازا زوى چاكبوونێ بۆ برينداران ژى دخوازم.
پەقینه‌ك ئه‌ڤرۆ پێنجشه‌مبيێ ل تاخێ كازیوه دو یێ باژێرێ سلێمانیێ چێببوو و تێدا 3 كه‌سان ژ گيانێ خۆ ژده‌ستداينه و 20 كه‌س بريندار بووينه.
ل گۆره‌ى زانياريان؛ رويدان ژ ئه‌نجامێ په‌قينا سيسته‌مێ غازێ په‌يدابوويه و د ئه‌نجام دا خانيه‌كێ سێ قاتى هه‌ڕفتيه و زيان گه‌هشتيه هنده‌ك خانيێن ده‌وروبه‌ر.
