گاڤ

ئه‌مريكا ئه‌ڤرۆ ئه‌ينيێ هوشداريه‌ك بۆ وه‌لاتيێن خۆ به‌لاڤكر و داخواز ژ وان كر ژ به‌ر ئۆپه‌راسيۆنه‌كا له‌شكرى يا توركى يا پێشبينيكرى ل باكۆرێ سووريا(رۆژئاڤایێ کوردستانێ) و باكۆرێ ئيراقێ(هەرێما کوردستانێ) سه‌ره‌دانا وان ده‌ڤه‌ران(یێن سنۆری) نه‌كه‌ن.

وه‌زاره‌تا ده‌رڤه‌ يا ئه‌مريكا راگه‌هاند؛ كۆنسۆلخانه‌يا گشتى يا ئه‌مريكا ل هه‌ولێرێ دويڤچوونا هنده‌ك راپۆرتێن پشتراستكرى ل دۆر ده‌ستپێكرنا ئۆپه‌راسيۆنه‌كا له‌شكرى يا توركى ل باكۆرێ سووريا و باكۆرێ ئيراقێ د رۆژێن بهێت دا دكه‌ت.

تێدا هاتيه‌ ژى؛ ئه‌مريكا داخوازێ ژ وه‌لاتيێن خۆ دكه‌ت كو سه‌ره‌دانا وان هه‌ردو ده‌ڤه‌ران و ب تايبه‌ت ده‌ڤه‌رێن سه‌ر سنووران و هه‌روه‌سا جهێن خڕڤه‌بوونان نه‌كه‌ن.

د به‌يانێ دا هاتيه‌ ژى؛ رێنمايێن هوشداريێ بۆ وه‌لاتيێن ئه‌مريكى ژ سه‌ره‌دانێ بۆ ئيراقێ هێشتا ل ئاستێ 4 ماينه‌ كو تێدا هاتيه‌: ژ به‌ر تيرۆرێ، ره‌ڤاندنێ، ئالۆزيێن چه‌كدار و تێكچوونا ره‌وشێ سه‌ره‌دانا ئيراقێ نه‌كه‌ن.